Prej një muaji teleferiku në Itali ishte si 'ruletë ruse' për ata që udhëtonin në të! Çaktivizuan frenat e emergjencës, 3 në pranga për tragjedinë ku humbën jetën 14 persona

ITALI- Për gati një muaj, kabina e teleferikut Mottarone në Itali ishte si një 'ruletë ruse' për të gjithë ata që kanë udhëtuar në të. Kjo për shkak të një problematike për të cilën ishin në dijeni disa persona, të cilët janë ndaluar sot nga autoritetet italien. Tre persona janë arrestuar, si përgjegjësit për tragjedinë që ndodhi 3 ditë më parë në Itali, ku humbën jetën 14 persona, pasi një kabinë teleferiku u shkëput dhe u përplas në tokë fatalisht.

Pas investigimeve të kryera rreth kësaj ngjarje, ekspertët dolën në përfundim hetuesit thonë se frenat e urgjencës ishin çaktivizuar ishin çaktivizuar nga vet personeli sepse pengonte lëvizjen e kabinës. Tre anëtarët e kompanisë, mes tyre administratori i shoqërisë, ishin në dijeni për këtë.

Aksidenti ndodhi në qytetin turistik Stresa në brigjet e liqenit Maggiore në rajonin e Piemonte. Teleferiku Stresa-Mottarone merr turistë dhe vendas, në liqenin Maggiore, pothuajse 1,400 metra mbi nivelin e detit, deri në majën e malit Mottarone për 20 minuta.

Prej xhiros tragjike gjatë së cilës u nisën 15 perona, vetëm një djalë 5 vjeçar arriti të mbijetonte. Djali 5 vjeçar gjendjet në një gjendje shumë të rëndë në spital, nga ku po lufton me vdekjen. Sipas mediave, mendohet se ai ka shpëtuar prej përqafimit të babai të tij, i cili nuk i mbijetoi përplasjes.

Teleferiku u rihap sërish në dispozicion të qytetarëve më 24 prill, pas lehtësimit të masave anti-COVID në Itali. Ndërsa në vitin 2016, një shumë prej 4 milionë e 400 mijë eurosh janë investuar për kontrollin, rregullimin dhe riparimin e teleferikëve.

J.GJ./K.T./Shqiptarja.com

TAG:
• aksident
• itali
• teleferiku