Në hetim për korrupsion e pasurinë, Meta fushatë nga qelia me facebook, përdor arkivën e fotove të takimeve kur ishte president

Në prag të vitit elektoral, Ilir Meta, ka nisur fushatën nga qelia e paraburgimit te  313-a, i akuzuar për korrupsion, pastrim parash e mosdeklarim të ardhurash. Teksa kritikon qeverinë, Kreu i Partisë së Lirisë thotë se rritja ekonomike e vendit vetëm nga sektori i ndërtimit, nuk është zgjidhje, pasi sipas tij vëmendja duhet nga bujqësia dhe industria, sektorë në tkurrje. Meta thotë se duhen investime madhore në arsim, teknologji të reja dhe kualifikim të të rinjve dhe fuqisë punëtore dhe rritje e të ardhurave në nivelin e vendeve të rajonit.

E meqë është në qeli për imazh përdor arkivën e fotove të takimeve kur ka qenë president i Republikës, 24 Korrik 2017 – 24 Korrik 2022.

Përmbysja e modelit dhe strukturës ekonomike të vendit është zgjidhja dhe këtë e garantojnë 5 Prioritetet e Partisë së Lirisë, që si Prioritet të 5-të dhe final kanë shndërrimin e Shqipërisë në fuqi eksportuese.  
Prioriteti i Edi Ramës është favorizimi i importuesve per konsum dhe jo të lëndëve të para për industritë vendase dhe shkatërrimi i prodhuesve vendas si në bujqësi, industri agropërpunuese dhe industri në përgjithësi.  Si mund të krenohet me “fuqizimin” e lekut një vend që eksporton vetëm 8% të Prodhimit të Brendshëm Bruto, aq sa eksportonte edhe para 20 vitevesh kur Maqedonia e Veriut eksporton 54 % dhe vendet e rajonit 35%?

LEXO EDHE:
Rivlerësimi i pronave do nisë pas zgjedhjeve të 2025-ës! Çmimet e reja të referencës së pronës publikohen në mars

Mjafton vetëm rritja e të ardhurave në nivelin e vendeve të rajonit për të garantuar financim të sigurt të 5 Prioriteteve tona dhe çdo gjë është e realizueshme në një kohë rekord e brenda një mandati.
Shqipëria falë modelit të Narkoekonomisë eksporton sot 5,7 herë më pak se mesatarja e vendeve të rajonit dhe diferenca e saj përsa i takon volumit të eksporteve në raport me vendet e Ballkanit Perëndimor vjen duke u thelluar e përkeqësuar.

Nëse deri në fund të këtij viti pritet që vendi ynë të eksportojë vetëm 8% të PPB, për vitin 2025 parashikohet sipas edhe buxhetit të miratuar, që niveli i eksporteve të ulet më tej në 7,5% të PBB.
Ndërsa Maqedonia e Veriut parashikohet ta mbyllë vitin aktual me 53,1% të PBB në eksporte dhe vitin e ardhshëm me rritje në 53,7%. Apo edhe Serbia që pritet ta mbyllë këtë vit me 39,8% të PBB me eksporte dhe vitin e ardhshëm ta rrisë në 40,6% të eksporteve edhe pse atje kemi autokraci dhe jo një demokraci funksionale, shkruan Meta në një postim në facebook. 

TAG:
• Partia e Lirise
• zgjedhjet parlamentare 2025
• Ilir Meta

Sondazhi i ditës:

Si ka qene per ju viti 2024?

• I mire

  43.6%

• I keq

  22.7%

• As i mire as i keq

  33.7%

Vota total: 1632

Votat totale janë unike

• Sondazhi i ditës:

  Si ka qene per ju viti 2024?

  I mire I keq As i mire as i keq