POP 5

Lajmet më të lexuara të 5 minutave të fundit

Ekonomi

Në janar nis aplikimi i fermerëve për IPARD 2, fondi 4.1 milionë euro

Në 10 janar do të hapen aplikimet për të përfituar nga fondet e IPARD. Ministria e Bujqësisë ka njoftuar se është hapur thirrja e 4, dhe fondi në dispozicion të fermerëve do të jetë 4.1 milionë euro.

Në janar do të fillojnë aplikimet e fermerëve për të përfituar nga fondet e IPARD.  Agjencia për Zhvillim Bujqësor dhe Rural e Shqipërisë njofton se është hapur thirrja e 4 për Programin IPARD II.

Nga ky program kanë mundësi të përfitojnë personat fizik dhe juridik që ushtrojnë aktivitetin në prodhimin bujqësor ose në agro-përpunimin rural.

Fokusi i thirrjes së katër do të jetë Diversifikimi i fermave dhe zhvillimi i biznesit, me orientim tek Turizmi rural dhe i Natyrës, Punimet e artizanatit dhe industria e manifakturës dhe Prodhimi i energjisë së rinovueshme.

Nëpërmjet këtyre granteve synohet të mbështeten investimet në sektorin agro-ushqimor me qëllim përmirësimin e konkurrencës, si dhe do tw shtohen investimet në zonat rurale me qëllim diversifikimin e ekonomisë rurale.

Buxheti i përgjithshëm në dispozicion të kësaj thirrje është 4.1 milionë euro nga të cilat 75% ose 3.075 milionë euro kontribut i BE dhe 25% ose 1.025 milionë euro kontribut i buxhetit të shtetit.

Totali i shpenzimeve të pranueshme për ndihmën e kërkuar do të jetë në kufijtë minimal 10 mijë euro dhe maksimal 400 mijë euro.

Granti i vënë në dispozicion është 65% të totalit të kostove të pranueshme të investimit. Dorëzimi i aplikimeve fillon nga data 10 Janar 2022 deri në datën 25 Shkurt 2022, nëpërmjet dërgesës postare apo dorazi.  

SI.E./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A ka politika frikë nga SPAK-u?

Lajme të tjera



×

Lajmi i fundit

Zgjedhjet presidenciale në Maqedoninë e Veriut, numërohen mbi 90 përqind të votave! Kandidatja e VMRO-së kryeson bindshëm, ku renditën shqiptarët

Zgjedhjet presidenciale në Maqedoninë e Veriut, numërohen mbi 90 përqind të votave! Kandidatja e VMRO-së kryeson bindshëm, ku renditën shqiptarët

25 Prill, 01:01