POP 5

Lajmet më të lexuara të 5 minutave të fundit

Kultura

9 mijë vargje nga këshilltari besnik i Ali Pashës! Raimonda Belli me ‘Një çudi në Zoo-park’! Gjimnazistja Haris Gjerasi debuton si autore! Në shqip 'Karremi i Putinit'!

Rubrika “Në Librari” përgatitur nga gazetarja Anila Dedaj vjen këtë fundjavë me titujt e rinj. 

Titulli: “Një çudi në Zoo-Park”
Autore: Raimonda Belli Gjençaj
Shtëpia Botuese: “Dituria”
Çmimi: 1000 lekë    

30 vjet pasi e shkroi Raimonda Belli, boton në shqip, anglisht e italisht, përrallën e saj në vargje “Një çudi në Zoo-park”. Një fabul që mesazhet e vyera për vogëlushët deri në 10 vjeç i jep përmes një ngjarje argëtuese, gjuhe të pasur e rrëfimi të rrjedhshëm, si dhe ilustrimeve ‘filmike’ të artistit Endri Beqo

Titulli: “ALIPASHAIDA – kronikë e një lindje të përgjakur”
Përgatiti: Irakli Koçollari
Shtëpia Botuese: “Onufri”
Çmimi: 3000 lekë

Dritëro Agolli e pat quajtur akt patriotik punën e studiuesit Irakli Koçollari, për të sjellë nga greqishtja në shqip, poemën që delvinioti Haxhi Shehreti shkruajti për Ali Pashë Tepelenën. Me “Alipashaidën” ai arrin ti sjellë lexuesit shqiptar 9 mijë nga 10 mijë vargje, duke e plotësuar poemën me pjesë të panjohura për lexuesin vendas. Ngjarje e vende që rrëfehen në vargje nga këshilltari më besnik i Ali Pashës, të sjella, siç thotë studiuesi Shaban Sinani, nga një njohës par excellence i traditave të arvanitësve dhe lidhjeve kulturore shqiptaro-greke.

Titulli: “Nën qiejt e mendimeve”
Autore: Haris Gjerasi
Shtëpia Botuese: “Muza”
Çmimi: 600 lekë

E para poezi që Haris Gjerasi shkruan është një dedikim për nënën, që e interpreton para shkollës, duke bindur mësues e nxënës për talentin e saj. Prej shkollës fillore pasioni për poezinë u ushqye nga dashuria për leximin, por edhe ndjeshmëria jo e zakontë me të cilën ajo përjeton situatat që e rrethojnë.  Kjo reflektohet edhe në vëllimin e parë të saj të botuar “Nën qiejt e mendimeve, që i jep emrin autore, ndërsa është në vitin e fundit të gjimnazit. Në të i shkruan ndër të tjera poezisë si ‘strehëz’ lumturie, dashurisë, motrës, dijes e  aspiratës së saj për t’u bërë mjeke.

Titulli: “Karremi i Putinit”
Autore: Jessikka Aro
Shtëpia Botuese: “Muza”
Çmimi: 1200 lekë

E nxitur nga një artikull ndërkombëtar, gazetarja finlandeze Jessika Aro, nis të hetojë e të shkruajë mbi kontrollin informativ të Presidentit rus Vladimir Putin. Kaq mjaftoi që ajo të kthehej në shënjestrën e një sulmi të frikshëm propagandistik, ku lajmet ‘fake’ që publikoheshin për të e paraqisnin si mashtruese, kriminele e të sëmurë mendore. Përdorues anonimë të rrjeteve sociale nisën ta diskriminonin, kërcënonin, e madje ishin të shumtë ata që i sugjeronin vetëvrasjen. Ngjarjen e rrëfen në librin “Karremi i Putinit” ku plotëson misionin e saj, demaskimin e kontrollit informativ të Vladimir Putin                                                                                                                                                                 

S.G//Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Si zgjidhen problemet me pronat, korrupsioni dhe digjitalizimi i Kadastrës, gjetjet dhe rekomandimet e ekspertëve në Komisionin Antikorrupsion

Si zgjidhen problemet me pronat, korrupsioni dhe digjitalizimi i Kadastrës, gjetjet dhe rekomandimet e ekspertëve në Komisionin Antikorrupsion

27 Nëntor, 21:56