POP 5

Lajmet më të lexuara të 5 minutave të fundit

Shëndeti

Në Lushnjë nuk ka gjak, 250 talasemikë në alarm! Mjekja thirrje për dhurim: S’plotësohen nevojat për të sëmurët

Në mungesë të dhuruesve vullnetar, këtë sezon veror Banka qendrore e Gjakut në Lushnjë, nuk po arrin të plotësojë nevojat për 250 pacientë që vuajnë nga sëmundja e talasemisë. Mjekët e Bankës qendrore ngrenë alarmin dhe u bëjnë thirrje qytetarëve të sensibilizohen në akte dhurimi për të ndihmuar fëmijët qe duket të kryejnë transfuzion gjaku thuajse çdo 21 ditë.

Sezoni veror ka shënuar vështirësi për gjetjen e dhuruesve të gjakut në Bankën e Gjakut në Lushnjë, ku për shkak të numrit të ulët të dhuruesve vullnetar nuk plotësohen nevojat për 250 pacientë talasemikë.

Dhuruesit e vetëm janë kryesisht familjarë të personave me sëmundje të gjakut, ku numri i tyre arrin në 75, ndërsa nevojat për 1 muaj për transfuzion gjaku janë në mbi 250.

Mjekja transfuziologe Emira Alizoti u bënë thirrje të gjitha institucioneve shtetërore dhe qytetarëve të sensibilizohen në dhurime konkrete pasi nevojat më emergjentë janë tek pacientët talasemikë të cilët  kanë nevojë çdo dy javë për gjak.

“Duke qenë se jemi në sezonin e verës ky  është sezoni më i vështirë për njerëzit për të dhuruar, ndaj ne kërkojmë bashkëpunimin e të gjithë institucioneve shtetërore, duke filluar nga Bashkia dhe çdo institucion shtetëror pasi do të ishte një ndihmë shumë e madhe për fëmijët talasemikë”, thotë ajo.

Alarmit për dhurim vullnetar të gjakut i është përgjigjur deputetja e Lushnjës, Lindita Buxheli.

“Ju bëj thirrje të gjithë institucioneve të dhurojnë gjak, na takon të gjithë institucioneve drejtuese deputetë , të Bashkisë dhe anëtarëve të Këshillit bashkiak dhe cilido që e ndjen mbi supet e tij përgjegjësinë e kësaj detyre të rëndësishme për t’iu përgjigjur të gjithë rasteve talasemikë në çdo kohë”, u shpreh ajo.

Në qendrën  e hemoglobinopative në Lushnjë  trajtohen 110 pacient talasemikë që vijnë nga zona të ndryshme të jugut të vendit. Të paktën çdo 21 ditë ata kanë nevojë për të marrë gjak i cili në mungesë të dhuruesve, në të shumtën e rasteve plotësohet nga familjarët

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • S'ka më gjak populli: 08/08/2023 15:22

    Politikanët si kanë lënë pikë gjaku këtij populli as për të jetuar jo më për të dhuruar

    Përgjigju
  • Ben: 08/08/2023 14:44

    Te dhurojne deputet dhe qeveria gjak,ato gjithmone thone se bejne sakrifica per miletin.Eshte gjeja me elementare qe mund te bejne.

    Përgjigju
  • Sondazhi i ditës:

    Kë doni ju që të fitojë zgjedhjet në SHBA?

Lajme të tjera



×

Lajmi i fundit

Dha dorëheqjen si kryebashkiak i Shkodrës? Reagon Benet Beci: Kush do të merret me llafe të merret me llafe

Dha dorëheqjen si kryebashkiak i Shkodrës? Reagon Benet Beci: Kush do të merret me llafe të merret me llafe

5 Nëntor, 11:15 nga Ergys Kavaja