Vlorë/ Në mes të sezonit turistik, IKMT aksion në zonën e Radhimës, fadromat prishin ‘Beach Bar-e’! Priten të shemben 50 objekte

Megjithëse jemi në mes të sezonit turistik, Inspektorati Kombëtar i Mbrojtjes së Territorit (IKMT) ka nisur një aksion në orët para të mëngjesit në zonën e Radhimës në Vlorë. Fadromat kanë prishur një objekt ‘Beach Bar’, ndërkohë burime nga IKMT bëjnë me dije se janë 50 objekte që do të prishen.

Ndërkohë një 51-vjeçare procedohet penalisht për ndërtimin pa leje të një objekti bar-restorant në tokë publike prej vitit 2022.

'Në vijim të punës për parandalimin, evidentimin dhe goditjen e rasteve të ndërtimeve pa leje, veçanërisht në zonat urbane dhe ato bregdetare, nga shërbimet e Komisariatit të Policisë Vlorë, në bashkëpunim me shërbimet e Stacionit të Policisë Radhimë, FNSH-në, IKMT Tiranë dhe Vlorë, është kryer ekzekutimi i vendimit për prishjen e një objekti (bar-restorant) të ndërtuar pa leje në vitin 2022, në vijën bregdetare të Radhimës.   

LEXO EDHE:
Vlorë/ Ushtroi dhunë ndaj nënës, në pranga 24-vjeçari

Në vijim të veprimeve, pas prishjes së objektit me qëllim rikthimin e hapësirës publike në gjendjen fillestare, ka nisur procedimi penal për pronaren e këtij objekti me veprimtari bar-restorant, shtetasen F. M., 51 vjeçe, për veprën penale “Ndërtimi i paligjshëm”.'- njofton policia.

M.Q./Shqiptarja.com

TAG:
• ndertim pa leje
• IKMT
• Vlore