POP 5

Lajmet më të lexuara të 5 minutave të fundit

Sport

Në mesjavë nis sezoni i ri i Kupës së Shqipërisë, ndeshje të lehta në letër për ekipet me emër

Edicioni i ri i Kupës së Shqipërisë, trofeut i cili shihet si shpëtimi i sezonit për shumë skuadra, do të ngrejë siparin këtë të mërkurë.

Të mërkurën do të startojë edicioni i ri i Kupës së Shqipërisë që është edhe trofeu i dytë prestigjioz në futbollin tonë. Shpeshherë është parë si shpëtimi i sezonit nga skuadra të cilat kanë performuar nën pritshmëri në kampionat, por të shumta kanë qenë edhe rastet kur janë bërë akuza për tolerime, të cilat kanë ardhur si pasojë e aleancave që kurrë nuk janë provuar.

Ky kompeticion gjithsesi është edhe mundësia që skuadra nga qytet të vogla të bëjnë historinë, pasi shorti mund ti vendosë përballë ekipeve më me emër në vendin tonë. 32 skuadrat pjesmarrëse ashtu si në edicionet e shkuara janë ndarë në dy grupe, A dhe B, ku bëjnë pjesë 16 ekipe, të cilat përkthehen në tetë ndeshje.

Të gjithë përballjet do të jenë me sistem vajtje-ardhje, ndërkohë që për ekipet e traditës starti duket i lehtë. Partizani kampion i Superligës kundërshtarin e parë në Kupë do të ketë ekipin e Vorës, që militon në kategorinë e dytë. Të kuqtë këtë edicion do të synojnë të thyjnë një tjetër mallkim pas atij të kampionatit, pasi kupën nuk e fitojnë prej sezonin 2003-2004.

Ndërkohë Kukësi, që është edhe ekipi kampion në fuqi, kundërshtarin e parë do të ketë ekipin e Shkumbinit, ndërsa Skënderbeu do të luajë përballë Devollit. Një kundërshtar i lehtë në letër duket edhe për Tiranën, e cila sfidohet nga Shënkolli. Në rast se takimet ecin sipas pritshmërive, atëherë në çerekfinale do të kemi derbin Tirana-Partizani.

TURI I PARË

E MËRKURËN, 18 SHTATOR:

Grupi A

Vora-Partizani 16:00

Tërbuni-Teuta 16:00

Veleçiku-Flamurtari 16:00

Shënkolli-Tirana 16:00

Iliria-Kastrioti 16:00

Burreli-Vllaznia 16:00

Erzeni-Dinamo 16:00

Korabi-Besëlidhja 16:00

Grupi B

Shkumbini-Kukësi 16:00

Devolli-Skënderbeu 16:00

Elbasani-Laçi 16:00

Turbina-Luftëtari 16:00

Apolonia-Kamza 16:00

Pogradeci-Bylisi 16:00

Egnatia-Besa 16:00

Lushnja-Orikumi 16:00

Ne.k./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Kë doni ju që të fitojë zgjedhjet në SHBA?

Lajme të tjera



×

Lajmi i fundit

Zgjedhjet në SHBA, mbyllen qendrat e para të votimit

Zgjedhjet në SHBA, mbyllen qendrat e para të votimit

6 Nëntor, 00:16