POP 5

Lajmet më të lexuara të 5 minutave të fundit

Ekonomi

Në muajin korrik u treguan mallra me vlerë 80 mld lekë, ose 7 mld më pak se në 2019

Instituti i statistikave raporton se gjatë muajit korrik eksportet dhe importet kanë rënë me 7,9% krahasuar me të njëjtën periudhë të një viti më parë. 80 miliardë lekë është vlera e mallrave të tregtuara në muajin korrik. Në raport me një vit më parë në muajin e kaluar është tregtuar 7 miliardë lekë më pak. Rënia më e madhe e transportit të mallrave ka qenë në rrugët hekurudhore.

TIRANË- Tregtia e mallrave asnjëherë nuk ka qenë e bllokuar si pasojë e pandemisë. Por masat anti-COVID-19 ndikuan në shumë ekonomi botërore duke ulur prodhimin, e për pasojë pati rënie në tregtinë e mallrave.

Pas një rënie të thellë në muajin Maj dhe Qershor, situata me transportin e mallrave është përmirësuar dhe po minimizohen edhe rëniet. Instituti i Statistikave raporton për një rënie me 7.9% të volumit të mallrave të ngarkuara dhe shkarkuara në porte në muajin korrik, e cila është më e lehtë se rënia e 2 muajve paraardhës. Në total në muajin e kaluar në porte janë transportuar 378 mijë tonë mallra.

Rënia më e madhe e transportit të mallrave por edhe pasagjerëve është tek rrugët hekurudhore. Volumi i mallrave të transportuara me hekurudhë në muajin Korrik 2020 është 2,2 milionë tonë-kilometër, duke u ulur me 38,6 %, krahasuar me Korrik 2019.

Po ashtu rënie të ndjeshme me 19,2 % ka pësuar edhe volumi i mallrave të transportuara me ajër. Në total në muajin korrik vlera e mallrave të tregtuara import dhe eksport është mbi 80 miliardë lekë, duke pësuar një rënie me 7 miliardë lekë në raport me të njëjtin muaj të vitit 2019 kur u tregtua 87 mld lekë.

Ndërkohë numri i fluturimeve të kryera, në Korrik 2020 është 1.926 duke shënuar një rënie me 40,1 %, ndaj Korrik 2019.

B.K./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A ka politika frikë nga SPAK-u?

Lajme të tjera



×

Lajmi i fundit

Zgjedhjet presidenciale në Maqedoninë e Veriut, numërohen mbi 90 përqind të votave! Kandidatja e VMRO-së kryeson bindshëm, ku renditën shqiptarët

Zgjedhjet presidenciale në Maqedoninë e Veriut, numërohen mbi 90 përqind të votave! Kandidatja e VMRO-së kryeson bindshëm, ku renditën shqiptarët

25 Prill, 01:01