Në nder të policit të vrarë, Ambasada e SHBA-së në Kosovë ul flamurin në gjysmështizë

Ambasada e Shteteve të Bashkuara në Kosovë, ka ulur sot në gjysmë shtizë flamurin e tyre, duke u solidarizuar me zinë e Kosovës dhe popullit të saj, për vrasjen e policit në detyrë Afrim Bunjaku nga sulmi terrorist i grupeve kriminele serbe në Zveçan.

Presidentja e Kosovës, Vjosa Osmani, ka marrë vendim ditën e djeshme bazuar në Kushtetutën e Kosovës, që data 25 shtator do të shpallet si ditë zie shtetërore, në nderim të policit Afrim Bunjaku, që u vra në orët e para të së enjtes në veri dhe Ambasada ka shkruar në faqen zyrtare se ata u bashkohen institucioneve në këtë ditë zie.

“Presidentja Vjosa Osmani ka shpallur sot, 25 shtator, Ditë Zie Kombëtare në Republikën e Kosovës. I bashkohemi institucioneve të Kosovës në këtë ditë zie për humbjen e rreshterit të Policisë së Kosovës Afrim Bunjaku. Sot, flamuri ynë në Ambasadën Amerikane është ulur në gjysmështizë për nder të tij”, shkruhej në postimin në Facebook.

Lajmi kryesor:

Kosova në zi, i jep lamtumirën policit hero Afrim Bunjaku, u vra nga grupi kriminel serbe! Liderët e Kosovës: Sulmi i dirigjuar nga Beogradi

S.S/M.Q./Shqiptarja.com

TAG:
• SHBA
• Vjosa Osmani
• tensione ne veri te kosoves