POP 5

Lajmet më të lexuara të 5 minutave të fundit

Bota

Në prag të një lufte tjetër? Kina kërcënon se do të marrë Tajvanin me forcë ushtarake

Kina kërcënoi sërish se do të përdorë ushtarake për marrjen e kontrollit të Tajvanit.

Në prag të një lufte tjetër? Kina kërcënon se do të marrë Tajvanin me forcë ushtarake

Foto ilustruese

Kina kërcënoi sërish se do të përdorë forcë ushtarake për marrjen e kontrollit të Tajvanit. Ky njoftim i bërë më 10 gusht vjen në kohën kur stërvitjet ushtarake të Kinës përreth ishullit vetëqeverisës të Tajvanit kanë rritur tensionet në nivelin më të lartë në vitet e fundit, pas vizitës së kryetares së Dhomës së Përfaqësuesve, Nancy Pelosi javën e kaluar.

Në deklaratën e Zyrës për Çështje të Tajvanit në Kinë theksohet se do të punojnë për bashkimin me ishullin në mënyrë paqësore, por nuk e përjashtojnë ndërhyrjen me forcë ushtarake.

“Do të punojë me sinqeritetin më të madh dhe do të bëjë përpjekje që ribashkimi të arrihet në mënyrë paqësore. “Por, ne nuk e përjashtojmë mundësinë e përdorimit të forcës dhe ne e rezervojmë mundësinë e ndërmarrjes së të gjitha masave të nevojshme. Kjo bëhet për t’u mbrojtur nga ndërhyrjet e jashtme dhe nga të gjitha aktivitetet separatiste. Ne do të jemi gjithmonë të gatshëm të përgjigjemi duke përdorur forcën ose mjetet e tjera të nevojshme për të parandaluar forcat e jashtme ose veprimet radikale të elementeve separatiste. Qëllimi ynë përfundimtar është të sigurojmë perspektiva të ribashkimit paqësor dhe të shtyjmë përpara këtë proces”, thuhet në deklaratë.

Kina konfirmoi se kërcënimet e saj janë nxitur nga Nancy Pelosi. Por, Tajvani tha se kjo ishte një vizitë rutinë dhe Kina po e përdor si pretekst për të kërcënuar.

Përveç stërvitjeve ushtarake dhe kërcënimeve për Tajvanin, Kina po ashtu ka njoftuar se do të ndërpresë dialogun me Shtetet e Bashkuara për çështjet e sigurisë detare dhe të ndryshimeve klimatike. Po ashtu, kavendosur sanksione ndaj Pelosit në hakmarrje për vizitën e saj. Tajvani i ka parë stërvitjet e Kinës si përgatitje për pushtim.

Presidentja e Tajvanit Tsai Ing-wen i ka bërë thirrje komunitetit ndërkombëtar që të "mbështesë Tajvanin demokratik" dhe "të ndalojë çdo përshkallëzim të situatës së sigurisë rajonale". Grupi i Shtatë vendeve të industrializuara, G7, kritikoi gjithashtu veprimet e Kinës, duke bërë që Pekini të anulojë një takim midis Ministrit të Jashtëm Wang Yi dhe homologut të tij japonez, Yoshimasa Hayashi.

Kina e konsideron Tajvanin si provincë të saj, pavarësisht se këto dy shtete janë ndarë më 1940 gjatë një lufte civile. Por, Pekini insiston se ky ishull do t’i kthehet dikur.

D.GJ/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Turi: 10/08/2022 09:37

    Amerika eshte shkaktare e te gjitha luftrave , por kohes se saj po i vjen fundi per fat te mire

    Përgjigju
  • Sondazhi i ditës:

    Kë doni ju që të fitojë zgjedhjet në SHBA?

Lajme të tjera



×

Lajmi i fundit

Nesër zgjedhjet në SHBA/ Ish-ambasadori: Duhet ndryshuar rendi botëror! Endri Shabani: Trump thotë 'Amerika e para'! Po kur ka qenë ndonjëherë e dyta?!

Nesër zgjedhjet në SHBA/ Ish-ambasadori: Duhet ndryshuar rendi botëror! Endri Shabani: Trump thotë 'Amerika e para'! Po kur ka qenë ndonjëherë e dyta?!

4 Nëntor, 22:51