Në Pallatin e Kongreseve po mbahen provat e fundit. “Las Vegas Magic Festival” do të shënojë për tre net spektaklin më të madh të magjisë në vendin tonë. Iluzionisti greko-amerikan Jorgos, njëherazi producent i festivalit, ka ardhur prej disa ditësh në Tiranë, me 6 prej magjistarëve-iluzionistë më të mirë nga e gjithë bota.
“Ne po shijojmë çdo moment këtu. Njerëzit janë me të vërtetë të mrekullueshëm dhe ushqimi është i jashtëzakonshëm. Ju e dini, unë jam grek dhe është i vetmi vend në botë që mund të them se ndihem në shtëpi! Është kënaqësi për ne që të jemi në Tiranë dhe jam shumë i nderuar që të prezantoj këto numra të mrekullueshëm këtu. Uroj që edhe Tirana të jetë krenare që mirëpret një shfaqje të tillë. Besoj se do të shënojmë spektaklin më të madh të magjisë këtu, dhe uroj që të kemi sa më shumë të ftuar, që të mund t’i mirëpresim dhe të krijojmë momente magjike me ta. Do të jetë një udhëtim fantastik”, thotë Jorgos Pampoukidis, producent dhe iluzionist.
Alkimistët mbajnë dhjetëra vlerësime prestigjioze botërore, deri çmimin “Merlin” , i cilësuar si ‘Oscari i magjisë”, (që Jorgo e ka fituar dy herë) numrat që ilustrojnë janë befasues. Jorgos, premton se iluzionistët, do t’u dhurojnë sot shqiptarëve, jo thjesht spektakël, por zemrat e tyre.
“Sot do të jetë një shfaqje ndryshe, me numra të pabesueshëm, Adre Blake do të ngjitet lart dhe realizojë një numër të rrezikshëm. Njerëzit duhet ta shikojnë! Nuk mund ta shpjegoj, por është shumë, shumë, i rrezikshëm”, shton Jorgos.
Objekte , që fluturojnë, njerëz që zhduken, artistët paralajmërojnë që gjatë spektaklit, të presim të papriturën. Si ky numër i gjermanit Topas, kampion botëror i iluzioneve, që ndan, trupin e tij në dysh, ndërsa një prej spektatorëve do të mund të rrëmojë nga afër për të zbuluar trukun, por e vështirë! Topas
“Si magjistar, ne nuk mund të tregojmë nga truket tona, por le të themi që në rastin tim ky iluzion funksionon me këmbë të bukura. Kështu që unë e ndaj veten time në dy gjysma dhe spektatori mund të kontrollojë që këmbët janë ende të vërteta. Pra, kjo mund të bëhet vetëm me këmbët e bukura gjermane”, thotë me humor iluzionisti Topas.
Në fakt një sekret e zbulon, është koha e gjatë mbi të cilën alkimistët punojnë për numrat e tyre.
“Gjithmonë numrat e magjisë kërkojnë shumë praktikë. Në rastin tim ndoshta edhe pak më shumë, sepse unë përpiqem vazhdimisht të rinovoj numrat. Të prezantoj magjitë klasike në një formë të re. Në rastin tim, merr dy deri në katër vjet derisa numri të jetë gati, edhe pse në skenë shfaqet vetëm 5 minuta”, thotë ai.
E provojmë nga afër magjinë e këtyre numrave. Me letrat e bixhozit në dorë, Topas na kërkon të zgjedhim një prej letrave. I tregojmë për 8 zemër, dhe ja rezultati (pasi ‘kreh’ letrat e gjen). Na befason edhe më tej, duke gjetur të 4 tetat e letrave të bizhozit.
Balerinat iluzionistë, efektet skenike, ndërveprimi me publikun do ti bëjnë të paharrueshme këto mbrëmje, ku në dy netët e para biletat janë sold out. Publiku do të ketë mundësi që të krijojë nga afër kontaktin me alkimistët, por edhe të shikojë numra origjinal, që i propozojnë për herë të parë në Tiranë.
Lajme të tjera
-
Protesta në Beograd kundër Vuçiç, ministria e Brendshme serbe: Morën pjesë afro 29 mijë qytetarë
22 Dhjetor, 22:45 -
VIDEO/ Juventusi mposht 1-2 Monzën dhe rigjen fitoren pas katër barazimeve
22 Dhjetor, 22:42 -
Rrugorja intensifikon masat për parandalimin e aksidenteve, drejtori Qato apelon të respektohen rregullat gjatë fluksit të fundvitit
22 Dhjetor, 22:39 -
Tronditet Nju Jorku, burri djeg një grua në metro, ndërron jetë! Policia në kërkim të autorit
22 Dhjetor, 22:25 -
NATO trajnon trupat ushtarake ukrainase në Lituani dhe Poloni
22 Dhjetor, 21:59 -
Trump: Dua të takoj Putinin sa më shpejt, edhe ai është dakord
22 Dhjetor, 21:52 -
VIDEO/ Çudira nga Kameruni, lojtarët marrin paratë në dorë para ndeshjes
22 Dhjetor, 21:27 -
Kryeministri sllovak Fico takon Putinin, në një vizitë të rrallë nga një udhëheqës i BE-së në Moskë
22 Dhjetor, 21:25 -
Serbi/ Protestuesit dhunojnë qytetarin që mbante flamurin e Bashkimit Europian (VIDEO)
22 Dhjetor, 21:18 -
VIDEO/ Dortmund fiton pas tre barazimeve dhe kap zonën evropiane
22 Dhjetor, 21:10 -
Pjesa e TRETË/ Tashmë dhe Tatimet në lëvizje për aferën 'Deco 2000' të familjarëve të Albana Vokshit
22 Dhjetor, 21:09 -
GOLAT/ Dortmund fiton 1-3 kundër Wolfsburg, Bochum merr fitoren e parë në Bundesligë
22 Dhjetor, 21:08
