Kryetarja e LSI-së, Monika Kryemadhi, ka zgjedhur Divjakën për këtë fundjavë, ku ka organizuar një aktivitet me të rinj. Në Facebook, Kryemadhi ka shpërndarë një video, ku shihet duke marrë kërcyer me të rinjtë.

"Shqipëria nuk mund t'i humbë për asnjë arsye këta të rinj të mrekullueshëm. Vendi ka shumë nevojë për ta. E përkushtuar çdo sekondë për ndryshimin që ata meritojnë", shkruan ajo krahas videos.

Por ajo që bie në sy është shkelja e masave anti-COVID, pasi të rinjtë duken pa maska dhe duke mos respektuar distancimin social.

Kujtojmë se vetë Kryemadhi kaloi COVID disa muaj më parë, ndonëse pati deklaruar se nuk beson se virusi ekziston,e madje pati dalë kundër masave anti-COVID të vendosura nga Komiteti Teknik i Ekspertëve.

Fushata elektorale e opozitës është kritikuar jo pak herë, për shkak të grumbullimeve në kundërshtim të masave anti-COVID.