ITALI - Shpallet e pafajshme nëna shqiptare e cila në mars të 2014-ës vrau tre vajzat e saj, pasi sipas Gjykatës se Leccos Edlira Copa nuk ishte e afte menderisht naten e krimit makaber.

Por, sipas vendimit, 38-vjeçarja shqiptare e cila masakroi me thike vajzat e saj te vogla 3, 10 dhe 13 vjeç duhet te qendroje 10 vjet ne spital psikiatik.

Sipas ligjit, duke u bazuar në raportin e psikiatrit mjeko-ligjor, autorja e vrasjes së trefishtë nuk mund të konsiderohet përgjegjese për krimin në fjalë.

Më 9 mars 2014, Edlira Çopa vrau me thikë tre vajzat e saj Sidni, Kejsi dhe Simonën ne shtepine e tyre ne Lecco te Italise. Sipas hetimeve të policisë italiane masakra erdhi për shkak të depresionit të së ëmës, ku shkak ishte edhe divorci me bashkëshortin e saj Bashkim Dobrushi

Pak pas vrasjeve forcat e rendit e gjetën gruan jashtë shtëpisë me plagë në duar dhe në gjendje shoku. Në komisariat Edlira pranoi vrasjet duke thënë se e bëri për t’u shmangur vajzave të saj një të ardhme të mjerueshme. 

Tre vajzat Simona, Keisi dhe Sindi prehen ne atdhe, ne vendlindjen e tyre në Kukës.

Redaksia Online
(Gre.M/Shqiptarja.com)