Një nëndetëse, pajisje zhytëse që përdorej për të çuar njerëzit për të parë rrënojat e Titanikut është zhdukur në Oqeanin Atlantik.
BBC shkruan se një operacion kërkimi po zhvillohet për nëndetësen në brigjet e Newfoundland.
Rojet Bregdetare të Shteteve të Bashkuara të Amerikës kanë konfirmuar se 5 persona ndodheshin në bordin e pajisjes zhytëse që thuhet se ka humbur prej mëngjesit të së dielës (18 qershor)
Nëndetësja u zhduk në të njëjtën zonë ku u mbyt edhe 'Titaniku'. Në një seri postimesh në twitter, rojet bregdetare përshkruajnë pajisjen e zhytjes si 6.4 metra të gjatë dhe se është zhdukur më shumë se 24 orë më parë, të dielën në mëngjes, rreth 1 orë e 45 minuta pas zhytjes.
Ndërkohë njëri prej personave të zhdukur është miliarderi britanik Hamish Harding, 59 vjeç, konfirmojnë familjarët e tij.
Nëndetëset e vogla herë pas here marrin turistë dhe ekspertë që paguajnë për të parë rrënojat e Titanikut, rreth 3,800 metra nën sipërfaqen e oqeanit.
OceanGate Expeditions, një kompani private që vendos zhytës për ekspedita në det të thellë, kohët e fundit postoi në mediat e saj sociale se një nga ekspeditat e saj ishte "në zhvillim e sipër".
Kompania u merr mysafirëve 250,000 dollarë (195,270 £) për një vend në ekspeditën e saj tetë-ditore për të parë rrënojat e famshme. Ajo nuk ka komentuar mbi raportet dhe nuk ka konfirmuar nëse një nga nëndetëset e saj aktualisht mungon.
Nëndetësja mund të strehojë pesë persona, thotë kompania, e cila zakonisht përfshin një pilot, tre turistë dhe eksperti i mirëmbajtjes.
Thuhet se një zhytje e plotë drejt rrënojave, duke përfshirë edhe ngjitjen e mirë, zgjat tetë orë.
Rrënojat e Titanikut janë 3.800 metra nën sipërfaqe të Atlantikut dhe u zbuluan në vitin 1985. Ato gjenden rreth 600 kilometra larg brigjeve të Njufoundllendit në Kanada.
Rojet Bregdetare të Shteteve të Bashkuara të Amerikës kanë konfirmuar se 5 persona ndodheshin në bordin e pajisjes zhytëse që thuhet se ka humbur prej mëngjesit të së dielës (18 qershor)
Në një seri postimesh në twitter, rojet bregdetare përshkruajnë pajisjen e zhytjes si 6.4 metra të gjatë dhe se është zhdukur më shumë se 24 orë më parë, të dielën në mëngjes, rreth 1 orë e 45 minuta pas zhytjes.
Autoritetet britanike dhe kanadeze po kërkojnë duke vënë në dispozicion dhe një avion shumë i sofistikuar P8 Poseidon me aftësitë e zbulimit nënujor.
Plot 111 vjet më parë, më 15 prill 1912 anija më e madhe dhe luksoze e pasagjerëve në botë, e asaj kohe Titaniku, përplaset me një ajsberg në Atlantikun e Veriut.
Ishte udhëtimi i parë i saj parë nga Southampton, Angli për në në qytetin e Nju Jorkut në SHBA në bord kishte 2200 pasagjerë.
Në më pak se tre orë pas përplasjes, dy të tretat e pasagjerëve nisën të mbyteshin ose po ngrinin në ujrat a akullta dhe anija u fundos
Më shumë se 1500 nga 2200 pasagjerët e anijes u mbytën atë ditë.
Ata që u mbytën me anijen ishin kryesisht pasagjerë të klasit të tretë dhe burrat e të gjitha kategorive të udhëtimit.
Hetimet e SHBA-së dhe Britanisë së Madhe për fundosjen zbuluan, ndër të tjera, se varkat e shpëtimit të anijes nuk ishin të mjaftueshme dhe shumica u përdor nga gratë dhe fëmijët.
Në 1985, 73 vjet më vonë, u zbuluan rrënojat e anijes. Një ekspeditë e përbashkët amerikano-franceze zbuloi mbetjet 900 kilometra larg bregut të Njufoundlandit.
Historia tragjike e Titanikut u bë frymëzim për regjisorin James Cameron për filmin e famshëm Titaniku që bëri bujë në kinema në vitin 1997. Pikërisht “Titaniku” shndërroi në yje të kinemasë artistët e rinj në atë kohë, Leonardo Di Caprio dhe Kaste Winslet.
Një prej të zhdukurve në nëndetësen që çonte turistët në rrënojat e anijes së ‘Titanikut’ është miliarderi britanik Hamish Harding, 59 vjeç. Lajmi u bë i ditur nga familja e tij.
Në mediat sociale në fundjavë, zoti Harding tha se ishte "krenar që më në fund njoftoi" se do të ishte në bordin e misionit për në rrënojat e Titanikut por shtoi se për shkak të "dimrit më të keq në Newfoundland në 40 vjet, ky mision ka të ngjarë të jetë misioni i parë dhe i vetëm me njerëz në Titanikun në 2023”.
Ai shkroi të dielën: "Sapo është hapur një dritare e motit dhe ne do të bëjmë një zhytje nesër".
OceanGate tha në një deklaratë se "i gjithë fokusi i saj është te anëtarët e ekuipazhit në zhytës dhe familjet e tyre".
Lajme të tjera
-
SHBA/ Trump emëron Brooke Rollins në krye të Departamentit të Bujqësisë
24 Nëntor, 19:16 -
E ardhmja e NATO-s dhe qëndrimet e Trump
24 Nëntor, 17:30 -
'Trumpi hesht, Ukraina debaton', Presidenti i zgjedhur i SHBA-së ende pa një plan zyrtar për të ndaluar luftën e Rusisë
24 Nëntor, 08:37 -
Lufta në Ukrainë/ Media: Moska po rekruton Jemenas për të luftuar në Kiev
24 Nëntor, 08:24 -
Stuhi, reshje shiu dhe dëbore godasin Shtetet e Bashkuara
23 Nëntor, 21:12 -
Ministri Vengu takime me zyrtarë të lartë në SHBA: Shqipëria e angazhuar për forcimin e bashkëpunimit në mbrojtje dhe sigurinë globale
23 Nëntor, 19:32 -
Specialistja e Departamentit amerikan të Tregtisë: SHBA të interesuara të thellojnë bashkëpunimin me Kosovën për energjinë e pastër
23 Nëntor, 19:13 -
Alban Daci: Lufta III Botërore?
23 Nëntor, 15:23
-
Shefi i NATO-s takohet me Trumpin në Florida
23 Nëntor, 12:35 -
Presidentja e Parlamentit të BE-së: Gjermania duhet t’i dërgojë Ukrainës raketa Taurus
23 Nëntor, 10:27 -
Reuters: Trump mund të emërojë Richard Grenell të dërguar të posaçëm për konfliktin mes Rusisë dhe Ukrainës
23 Nëntor, 10:20 -
‘Shikoni si bërtasin, para se të vdesin’, kush është Erald Alimehmeti, shqiptari i arrestuar në SHBA si përkrahës i ‘ISIS’
23 Nëntor, 10:01
