KAVAJË- Sherri i të birit për një parakalim të gabuar, ka çuar në pranga një nënkomisar të Policisë së Durrësit, ndërsa është shpallur në kërkim djali i tij pasi ka qëlluar me armë ndaj një 29-vjeçari. Në pranga ka rënë efektivi Kastriot Gjongecaj, ndërsa Denis Gjongecaj 24 vjeç është në kërkim nga policia.
Gjithçka ka nisur më datë 7 shkurt, kur 24-vjeçari është konfliktuar me një 29-vjeçar, Kiti Kazazi, pas një sherri për parakalimin e gabuar. Mirëpo, djali i efektivit nuk e ka mbyllur këtë ngjarje atë ditë, por e ka vazhduar edhe më tej duke shkuar të nesërmen me të atin për të sqaruar problemin.
Sherri ka agravuar dhe 24-vjeçari ka qëlluar në drejtim të automjetit me të cilin po lëvizte Kiti Kazazi, por fatmirësisht ky i fundit nuk ka mbetur i lënduar. Burime për Report Tv bëjnë me dije se arma me të cilën është qëlluar ndaj të riut, nuk është arma e shërbimit të efektivit Gjongecaj. Por, djali i tij në momentin e sherrit e ka pasur armën pa leje në makinë, duke e rënduar edhe më shumë pozitën e tij.
Ngjarja ka ndodhur më datë 08.02.2024, rreth orës 13:25, në lagjen Nr.2 të qytetit të Kavajës. AMP njoftoi se efektivi u arrestua, ndërsa djali është shpallur në kërkim për veprat penale “Vrasje e mbetur në tentativë" në bashkëpunim dhe "Armëmbajtje pa leje".
*Raportuan për Report Tv dhe Shqiptarja.com gazetarët Sokol Dema dhe Artur Korriku
Report Tv ka mësuar detaje të reja nga ngjarja e ndodhur në Kavajë ku efektivi i policisë Kastriot Gjongecaj dhe djali i tij Denis Gjengecaj qëlluan me armë zjarri ndaj të riut Kiti Kazazi.
Denis Gjongecaj i cili është shpallur në kërkim, në 7 shkurt është konfliktuar me 29 vjeçarin për një parakalim të gabuar. Të nesërmen 24 vjeçari shkoi së bashku me të atin Kastriot Gjongecaj (nënkomisar i policisë në Durrës) për të sqaruar problemin.
Por konflikti ka përshkallëzuar dhe djali i efektivit ka qëlluar me pistoletën që e mbante pa leje në drejtim të automjetit me të cilin udhëtonte Kiti Kazazi.
Njoftimi i plotë i AMP
Agjencia e Mbikëqyrjes Policore (Rajoni Durrës-Kavajë) ka arrestuar në flagrancë punonjësin e policisë N/Komisar K. GJ., me detyrë specialist në seksionin e shërbimeve ndaj të tretëve në DVP Durrës, si edhe shpalli në kërkim shtetasin D. GJ., si të dyshuar për kryerjen e veprës penale "Vrasje e mbetur në tentativë" në bashkëpunim dhe "Armëmbajtje pa leje".
Arrestimi i N/komisar K. GJ. u krye pasi nga tërësia e veprimeve hetimore paraprake ka rezultuar se në bashkëpunim me shtetasin D. GJ., 24 vjeç (djali i tij), më datë 08.02.2024, rreth orës 13:25, në lagjen Nr.2 të qytetit të Kavajës, janë konfliktuar për motive të dobëta dhe kanë qëlluar me armë ndaj automjetit me të cilin udhëtonte shtetasi K. K., 29 vjeç. Nga kjo ngjarje nuk ka patur të lënduar.
Në përfundim të veprimeve hetimore, materialet proceduriale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës.
AMP mbetet e përkushtuar në misionin për garantimin e zbatimit të ligjit dhe vetëpastrimin e Policisë, ndërsa fton qytetarët të denoncojnë çdo rast të abuzimit apo shkeljes së ligjit nga ana e punonjësve të Policisë së Shtetit, Gardës së Republikës apo Shërbimit për Mbrojtjen nga Zjarri dhe për Shpëtimin, duke telefonuar falas në numrin 08009090.
Komente
Lajme të tjera
-
Media gjermane pranon se artikujt për Portin e Durrësit ishin të gabuara dhe i tërheq mbrapsht
17 Dhjetor, 21:04 -
Durrës/ Rekrutonin vajza aziatike për prostitucion në Shqipëri, goditet grupi kriminal kinez! Një i arrestuar, 2 në kërkim dhe 7 vajza nën hetim (EMRAT+DETAJET)
17 Dhjetor, 10:40 -
Lamtumirë Noela Caka, trëndafila në bankën e maturantes që nga vdiq nga meningjiti akut! Talenti për pikturën, drejtori: Spikaste
16 Dhjetor, 15:21
-
Ekskluzive/Adoleshentja nga Durrësi vdiq nga meningjiti akut, epidemiologia e ISHP-së: Shkoi në ekskursion me klasën në Voskopojë! Bëmë hetim epidemiologjik
16 Dhjetor, 13:03 -
Tragjike! Humbi jetën nga meningjiti akut, gjimnazi ku studionte e mitura: Nuk është e lehtë të gjenden fjalët kur zemra është e rënduar
16 Dhjetor, 13:01 -
Ikin dritat në stadiumin e Durrësit, Teuta - Egnatia ndërpritet për pesë minuta
15 Dhjetor, 17:20 -
U prek nga meningjiti akut, humb jetën 17-vjeçarja nga Durrësi! Familjarët dhe mjekët që e asistuan udhëzohen të vaksinohen
15 Dhjetor, 16:43 -
Ekskluzive/ Të afërmit flasin për jetën e Simakut: E shkatërruar për djalin, shteti shqiptar ta ndihmojë të bashkohen
15 Dhjetor, 11:17
-
Gëzim Kabashi: Me klerikët miq të Durrësit, një shekull më parë
15 Dhjetor, 09:40
-
Vodhi një makinë në Durrës, arrestohet 26 vjeçari nga Erseka
14 Dhjetor, 12:49 -
Moti i keq/ Kapiteneria e Portit të Durrësit dhe Vlorës ndalon sot lundrimin e anijeve të vogla të peshkimit! Tragetet vijojnë normalisht
14 Dhjetor, 10:06 -
Vrasja e Durrësit/ Gruaja e Majlindit ekskluzivisht për pa ‘Pa Gjurmë’: Policia gënjeu, ishte në shtëpi ditën e ngjarjes! Branko s’më ka ngacmuar, kemi ikur nga frika e hakmarrjes
13 Dhjetor, 16:23
Ja dhe //sqarimet// e shqipove! Gjithemone perfundojne njelloj, ose me grushte,ose me thika,ose me plumba!
PërgjigjuBabi polici në vend që ta shtërgonte qunin e vet! Dhe shkoj dhe i futi benzinë dhe më tepër deri sa quni babi qëdhoj me pistoletë që babi mund tja ketë marë ndonjë kriminel gjatë kontrollit rutinë,dhe ja ka dhuruar qunit,mere quni babit se të duhet ta kesh.
PërgjigjuKupola politike e inkriminuar nuk mund te mos kete edhe nje organ ligjzbatues te pa inkriminuar....kur drejtesia e deritashme ishte nje appendix i klases kriminale politike....si mundet qe policia te jete ne sherbim te publikut dhe ligjit?
PërgjigjuPolicet , cunat dhe niperit e tyre kshu bejn si te fort gjith kohen . Duhet te arrestohet e te denohet per tentativ vrasje , dhe polici si bashpunetor ne krim
Përgjigjupote gjithe cunat e policeve bejne si njisha se kane babin polic.
Përgjigju