POP 5

Lajmet më të lexuara të 5 minutave të fundit

Kultura

Nëntoka e Durrësit vijon të zbulojë thesare/ Dy mozaikët e gjetur tregojnë për një histori të paktën 1900 vjeçare

Nëntoka e Durrësit vazhdon të surprizojë arkeologët vendas dhe të huaj me thesaret që ajo nxjerr. I vetmi vend ku në një sipërfaqe të vogël, janë zbuluar dy mozaik me karaktere të ndryshme, vazhdon të zbulojë më shumë për një histori të paktën 1900 vjeçare.

Nëntoka e Durrësit vijon të zbulojë thesare/ Dy mozaikët e gjetur tregojnë për një histori të paktën 1900 vjeçare

Mozaiku Durrës

Nëntoka e Durrësit vazhdon të surprizojë arkeologët vendas dhe të huaj me thesaret që ajo nxjerr. I vetmi vend ku në një sipërfaqe të vogël, janë zbuluar dy mozaik me karaktere të ndryshme, vazhdon të zbulojë më shumë për një histori të paktën 1900 vjeçare.

Mozaiku i gjetur më herët gjatë vitit 2023, është duke u zbuluar në mënyrë më të plotë nga arkeologët dhe grupet e specialistëve të cilët duhet të punojnë me mjete mjaft të vogla si furcat dhe gërmimet bëhen në mënyrë specifike që të mos dëmtohet asnjë pjesë e mozaikut.

Mozaiku i cili u bë shkak për identifikimin e vilës romake dhe fillimin e gërmimit arkeologjik, duket të jetë i ruajtur në një sipërfaqe të madhe të tij. Ndërkohë që akoma nuk është i qartë funksioni i këtij ambienti, mund të thuhet me siguri që është një mozaik i rrallë dhe shumë cilësor, që lë vend për sugjerimin se investimi për ndërtimin e vilës duhet të ketë ardhur nga individ të rëndësishëm të perandorisë romake.

Ky mozaik, është i punuar në formë qilimi, me tesera guri në ngjyrë të bardhë dhe të zezë, tipike për periudhën midis shekujve I p.e.s-deri II e.s. Dekorimi i tij është kryer me motive gjeometrike dhe floreale ku përmendim panelin qendror me motive hexagonale ose ndryshe me hojza bletësh, dhe një fashë ngjitur me pragun prej mermeri i cili është kompozuar me roseta dhe motivin e mburojave dyshe që qëndrojnë në shpinë më njëra-tjetrën.

Me rëndësi është fakti që mozaikët me këto motive në perandorinë romake janë të përhapura kryesisht në Itali si në Pompei ose Ostia dhe shumë rrallë në lindje. Shfaqja e këtij mozaiku në Durrës tregon për lidhjet e ngushta ekonomike, kulturore dhe shoqërore me fqinjët përballë qytetit.

G.K/S.Ç/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • beni: 18/05/2024 18:06

    RUAJINI,,SE KETO JANE KRYEVEPRA BOTERORE....MOS NDERTONI PALLATE NE DURRES,,MOR JU VRAFTE PERENDIA...

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

MPJD i kundërpërgjigjet Beogradit, ia refuzon kërkesën për vizitë një ministri serb

MPJD i kundërpërgjigjet Beogradit, ia refuzon kërkesën për vizitë një ministri serb

25 Dhjetor, 20:12