TIRANË- Një ditë para nisjes së fushatës elektorale për 14 majin, presidenti Bajram Begaj mblodhi në ambientet e Presidencës përfaqësues të institucioneve kryesore, si KQZ dhe Policia e Shtetit. Kreu i shtetit dhe mesazhe të forta dhe porosi për mbarëvajtjen e procesit zgjedhor. Ai u kërkoi institucioneve përgjegjëse që të monitorojnë fushatën elektorale me kujdes dhe të dënojnë çdo fenomen që mund të cenojë procesin zgjedhor, mes tyre edhe shit blerjen e votës.
Begaj tha se zgjedhjet e mëparshme i kanë përballur me fenomene negative, ku një ndër to mund të përmendim edhe strukturën e mbrojtjes së votës që u ngrit nga PD në zgjedhjet parlamentare të 2021. Begaj tha se këto fenomene nuk duhet të tolerohen dhe theksoi se financimet jo transparente apo keqpërdorimi i tyre janë të patolrueshme.
“Partitë politike të përfshihen në fushatë me gjithë entuziazmin, por ky nuk mund të jetë entuziazmi i asnjë institucioni përgjegjës për mbarëvajtjen e procesit zgjedhor. Partitë politike duhet të paraqesin vetëm ofertë. Eksperiencat e mëparshme na kanë përballur jo rrallë herë më fenomene negative dhe me forma të paligjshme si pjesë e fushatës zgjedhore dhe institucionet jo gjithmonë kanë reaguar me sukses.
Fenomenet e shit blerjes së votës, keqpërdorimit të burimeve financiare, financimet jo transparente dhe prishja e procesit zgjedhor janë të patolerueshme. Policia duhet të reagojë përballë çdo fenomeni që mund të cenojë procesin zgjedhor. Monitoruesit dhe komisionerët duhet të punojnë paanshmëri, ju jeni garantët e ndershmërisë së zgjedhjeve dhe garancisë së demokracisë”, tha Begaj.
Një thirrje e pati edhe për subjektet politike. Presidenti kërkoi që përfaqësuesit e partive politike të mos përdorin gjuhë denigruese ndaj njëri-tjetrit, por të angazhohen në garë elektorale me ide për të përmirësuar jetën e qytetarëve.
“Të gjithë subjekteve të përfshira në fushatë elektorale, që të mos e konsiderojnë konkurrimin si mundësi të denigrimit të njëri-tjetrit, por të angazhohen në garë me idetë më inovative për përmirësimin e jetesës së qytetarëve dhe për zhvillimin social- ekonomik të tyre, duke ruajtur kulturën, traditat, si dhe duke mbrojtur mjedisin e secilës prej njësive vendore të vendit tonë.
Etika e garës dhe e komunikimit duhet të rrezatojë qytetari, mirësjellje dhe respekt, jo negativitet armiqësi apo agresivitet; argumente dhe jo sharje; mundësi zgjedhjeje dhe jo kërcënime; respekt të ndërsjellë dhe jo armiqësi ndaj njëri-tjetrit. Kjo është fryma me të cilën duhet të zhvillohet një debat i natyrshëm publik përpara një procesi zgjedhor”, tha Begaj.
Në fund, Begaj u kërkoi qytetarëve shqiptarë që më 14 maj të shprehin vullnetin e tyre të lirë dhe të denoncojnë çdo rast intimidimi apo shantazhimi. Në takimin e thirrur nga Presidenti ishin të pranishëm kryesuesja e misionit të OSBE, Glover, kryekomisioneri Ilirjan Celibashi, anëtar të KAS, Drejtuesi i Policisë, Muhamet Rrumbullaku, Drejtuesja e AMA-s, përfaqësuesi i SHBA, Damien Smith.
Presidenti Bajram Begaj u ka bërë thirrje qytetarëve shqiptarë që më 14 maj të shprehin vullnetin e tyre të lirë në kutitë e votimit. Begaj u bëri thirrje që të denoncojnë çdo intitmidim apo zhantazhim që mund të marrin gjatë fushatës zgjedhore që mund të ndikojë në votën e tyre.
"Zgjedhjet vendore ju japin mundësinë për të përmirësuar hapësirën e jetesës së përditshme, duke filluar nga rruga ku kaloni çdo ditë, lagjia ku rriten fëmijët tuaj, si dhe qyteti apo fshati ku ju banoni. Ndaj ju lutem, në këto zgjedhje, me efekte të menjëhershme në përditshmërinë tuaj, ushtroni vullnetin tuaj, të mirëinformuar dhe krejt të lirë. Çdo intimidim apo shantazh duhet të denoncohet e dënohet! Ju ftoj të ushtroni të drejtën dhe pushtetin e votës suaj me gjithë forcën që i takon, duke përmbushur detyrimin tonë qytetar. Zgjedhjet nuk janë të partive politike, por janë për qytetarët shqiptarë, janë për Shqipërinë", tha Begaj.
Komente
Lajme të tjera
-
Proda takohet me drejtuesit e rinj të komisariateve dhe u lë porosi: Angazhim maksimal për parandalimin e krimit dhe zbatim i ligjit!
21 Dhjetor, 15:11 -
Trafiku në Tiranë, eksperti: Problem menaxhimi i rrugëve! Propozimet për zgjidhje, parkime jashtë Unazës së Vogël e sinjalistikë e përkohshme
21 Dhjetor, 12:30 -
Presidenti Begaj: Media profesionale po sfidohet nga lajmet e rreme! Përdorni pushtetin me përgjegjësi, jepni dhe zërin e qytetarisë
19 Dhjetor, 21:46 -
Pas dekretimit nga Presidenti Begaj, ligji për Buxhetin e Shtetit botohet në fletoren zyrtare! Ja kur hyn në fuqi
19 Dhjetor, 18:51 -
Diaspora nuk do paguajë për votën, burime për Report Tv: Qeveria fond rreth 5 mln euro KQZ-së për postën
19 Dhjetor, 12:26 -
Presidenti Begaj pret Këshillin e Diasporës: Vota e emigrantëve e rëndësishme, shteti duhet të mbrojë të drejtat tuaja!
18 Dhjetor, 15:58 -
Zgjedhjet parlamentare 2025, ambasadori i OSBE takim me Grupin Ndërkombëtar të Punës! Në fokus vota e diasporës
18 Dhjetor, 15:42 -
Kryepolici Proda emëron 48 shefat e Komisariateve në 12 drejtoritë e qarqeve, asnjë grua! Lista me EMRAT dhe qytetet
18 Dhjetor, 08:51
-
'Rritje e pensioneve, nisur nga më të ultat', ministri Hoxha me ish-punonjës të policisë: Mbështetje për familjet e dëshmorëve
16 Dhjetor, 17:52 -
Takimi me ish-punonjës të Policisë, Rama: Po përgatitemi për rritjen e fondit të pensioneve! Ministri Hoxha: Mbështetje për familjet e dëshmorëve
16 Dhjetor, 17:52 -
Sondazhi: Cili është personazhi i vitit me më shumë ndikim në zhvillimet e vendit
16 Dhjetor, 12:21
-
Gara për 48 shefat e Komisariateve, 9 nga kandidatët ankimojnë rezultatin! Shqyrtimet nga Komisioni bëhen më 16-17 Dhjetor
13 Dhjetor, 15:47
O beromo me kujdes amon se po na thy naj kom e kush rri tpagun ty operacionet anej nga gjermania
PërgjigjuPo pa merak Bajramo se gjith administrata eshte ne sherbim te pushtetit sic ka qen e sic do jet.skllever te pushtetit.
PërgjigjuPo behet nami me lek e me blerje o Berom dhe me duket se vetem ti nuk e e ditke. Puet ata te sherbimit se kane informacion per cdo detaj, apo ste raportojne ty po vetem Ramushit. Sa ta marrehe vesh ti do kete ardhe Bajrami madh se i vogli po te iken nga shalet.
Përgjigju