Organizatorët e protestës për rritjen e çmimeve kanë kërkuar nga qeveria që të reagojë ndaj kërkesave të tyre, në të kundërt paralajmërojnë se do të zhvillojnë protesta që edhe mund të përshkallëzohen duke bllokuar rrugën dhe protestuesit do të ulen në tokë. Ditën e nesërme në orën 11:00 pritet që të zhvillohet protesta në Tiranë, ku qytetarët do të mblidhen nga e gjithë Shqipëria për të marshuar nga sheshi Skëndërbej drejt Kryeministrisë.
Në vlerësim të masave të marra deri më tani nga qeveria për të shmangur abuzimet me çmimet e naftës dhe produkteve të shportës, 'profesionistja' e protestave Rezarta Çaushaj tha se ato nuk janë të mjaftueshme dhe se nuk ofrojnë garanci që nuk do abuzohet me çmimet e tyre. Çaushaj është një figurë që shihen në çdo protestë që nga ajo kundër shembjes së Teatrit, protestë kundër parkut të lojërave të Liqeni e shumë të tjera dhe duket se sot është edhe organizatore e protestës kundër rritjes së çmimeve.
"Prej më se një jave kemi protestuar të gjithë së bashku duke kërkuar nga qeveria masa në ndihmë të konsumatorëve dhe bizneseve për të përballuar krizën drastike të çmimeve. Qysh pas ditës së parë të protestës pamë se si u ndryshua qëndrimi nga "Qeveria nuk mund të ndërhyjë, duhet të shtrëngoni rripin, të kurseni, të ecni në këmbë..." në "Qeveria ka gati paketë masash". Me vazhdimin e protestave, më pas u kalua në "Qeveria ul çmimin e karburantit", për të vijuar me "Qeveria përgjysmon furnizimin me karburant të institucioneve" dhe së fundmi, "Qeveria do të ulë çmimin e disa produkteve ushqimore". Ne sajë të protestave dhe zërit të qytetarëve, qeveria nisi të bëjë detyrën e saj për kontroll të ngritjeve abuzive të çmimeve dhe marrjes se masave!! Brenda një jave janë shpallur 3 paketa anti-krizë dhe është vënë në lëvizje një fushatë e pandalshme për të bindur qytetarët mbi vlefshmërinë e masave. Për t'i bindur qytetarët që të mos dalin në shesh! Por, a i përgjigjen masat nevojave të qytetarëve në kohë krize?! Jo, ato janë të pamjaftueshme! Shumica e tyre nuk ofrojnë garanci që çmimi i naftës dhe produkteve të tjera do të qëndrojë i ulur në mënyrë të qëndrueshme dhe që qytetarët nuk do të jenë më pre e vjedhjes dhe abuzimeve", tha aktivistja
Pjesë e kërkesës së protestave janë ulja e barrës fiskale, hetim dhe mbikëqyrje për mirëfunksionim të tregut dhe mbështetje për biznesin dhe shtresat vulnerabët, të cilat i kanë shprehur në 7 pika.
Protesta kundër rritjes së çmimeve o zhvillohen prej ditësh në të gjithë vendin, ndërsa qeveria deri tani ka ngritur një bord për transparencën e Karburantit dhe një për çmimet e shportës pikërisht për të shmangur abuzimin me çmimet dhe që qytetarët të njihen me çmimet reale. Gjithashtu qeveria ka ndërmarrë edhe një paketë të rezistencës sociale për t’i ardhur në ndihmë qytetarëve në përballimin e pasojave të krizës si pasojë e luftën në Ukrainë.
2. Kompensim i rritjes së çmimeve të shportës për 3 muaj (434 mijë përfitues)
3. 14 milionë $ mbështetje për fermerët me naftë pa taksa (+ 5 milionë $)
4. 5 milionë $ mbështetje për të gjithë qytetarët që përdorin linjat urbane, qytetase dhe ndërqytetase
5. Nga muaji prill:
- Zero taksë për pagat deri në 40 mijë
- Përgjysmim takse mbi pagat deri në 50 mijë lekë
- Ulje e taksës mbi pagat nga 150 deri në 200 mijë lekë
6. Paga minimale rritet në 32 mijë lekë
7. 200 milionë $ financim i mburojës së çmimit të energjisë për konsumatorët familjarë dhe biznesin e vogël
Komente
Lajme të tjera
-
'Ata ishin 2 autorë!' Policia do të rimarrë në pyetje babain e shokut të Martinit: Djali tjetër ka pasur thikë më të vogël
24 Nëntor, 12:44 -
Vrasja e 14 vjeçarit, Flutura Açka: U harrua thelbi i familjes po endet drejt spektaklit! Urgjente hapja e shkollës së riedukimit
24 Nëntor, 12:22 -
Vrasja e Martinit, nesër Burgjet vendosin ku do transferohet 14 vjeçari i arrestuar
24 Nëntor, 10:58
-
Tiranë/ Organizonin baste dhe lojëra fati, vihen në pranga 6 persona
24 Nëntor, 09:55 -
'Ishin 2 autorë!' Vrasja e Martinit, flet babai i 14-vjeçarit të plagosur: Prindi i fëmijës bën mirë ta dorëzojë vetë! Djali im në intubim, ka 5 plagë në trup
24 Nëntor, 09:20 -
'Economic Times': Shqipëria mes vendeve ideale evropiane për të vizituar në 2025
24 Nëntor, 07:20 -
Rikthehet 'Parada Shqiptare' më 28 Nëntor në Tiranë! 300 grupe artistike nga Diaspora do të mblidhen në kryeqytetin shqiptar
23 Nëntor, 15:48 -
Veliaj inspekton terminalin veri-perëndimor: Investim i ri që lehtëson trafikun dhe modernizon transportin
23 Nëntor, 11:51 -
Vrasja e Martinit/ Shoqëria civile deklaratë para shkollës 'Fan Noli': Bojkot mësimit nëse nuk merren masa, të dorëhiqet Manastilriu
23 Nëntor, 10:42 -
Gjendet thika me të cilën u vra Martini, autori e hodhi në tarracën e një godine pranë Gjykatës së Apelit, e pikasi një banor! Mister kush e çoi në spital (VIDEO)
23 Nëntor, 10:09
-
Policia i ‘kap mat’ në tavolinën e pokerit, 29 të arrestuar në Tiranë! 1 në kërkim, sekuestrohen para (EMRAT)
23 Nëntor, 09:43 -
Vrau në Krujë vëllezërit Bardhi pasi i plagosën vëllanë, Gjykata e Tiranës dënon me burgim të përjetshëm Roland Pulën
22 Nëntor, 21:19
S'kanë faj kur shijnë me gjoja protesta, duan vëmëndje ...nuk e di a shkon tek liqeni kjo "profesionistja" tek këndi i lojrave? Tani që fëmijët shijojnë punën e bërë nga bashkia? Ata vetëm vonuan punën e bashkisë disa muaj, edhe me unazën e vonuan 2 vjet, dhe tani protestojnë për të nxirë Tiranën meqënëse është kryeqyteti i rinisë. Protesta nuk vë kushte, jep mendim e propozon sigurisht duke arsyetuar me mëndje të ftohtë, e jo për interes të politikanëve që populli me votë i tregoi vëndin. Pastaj protesta nëse është në interes të popullit, nuk i bllokon hapsirat njerëzve. Kjo protesta që reklamohet me zhurmë, si lajm i parë nga të gjitha televizionet (kur thonë që Rama i ka kapur TV-të), mban erë MUT(më falni për shprehjen). Të bëhej në kohën e Berishës, do ishte shpallur gjëndje e jazhtzakonshme dhe Gazidedja e kish vënë pikën mbi i, ja kish gjetur vëndin si Remzi Hoxhës. Këto 8 vjet, nuk mjaftuan fatkeqësitë natyrore, por dhe protestat pa motiv që kanë prishur pronën publike dhe nuk është ndëshkuar askush, kane prishur qetësinë publike, i kanë detyruar shqiptarët të votojnë ata që nuk shkatërrojnë, e që bëri PD-në kashtë e koqe.
Përgjigju