Kryeministri izraelit Benjamin Netanyahu përsëriti se është koha që udhëheqësit e vendeve të tjera të bashkohen me Izraelin dhe Shtetet e Bashkuara kundër Iranit, ndërsa konflikti me Teheranin po përshkallëzohet.

Në deklaratat e tij, Netanyahu theksoi se ndërsa reagimi ndërkombëtar deri më tani ka qenë i përmbajtur, "disa po fillojnë të lëvizin në atë drejtim" dhe mbështesin më aktivisht veprimet kundër regjimit iranian.

“Është koha të shohim udhëheqësit e vendeve të tjera të bashkohen. Disa prej tyre po fillojnë të lëvizin në atë drejtim”, tha mes të tjerash Netanyahu.

Sipas Netanyahut, ky ndryshim kursi vjen pasi këto vende kundërshtojnë idenë e një programi bërthamor iranian dhe ndikimin e Teheranit në Lindjen e Mesme.

Thirrja e kryeministrit izraelit vjen në një kohë të operacioneve të intensifikuara ushtarake midis Izraelit, SHBA-së dhe Iranit, me sulme ajrore të vazhdueshme, kundërsulme dhe tensione më të gjera rajonale.

Komuniteti ndërkombëtar po monitoron nga afër zhvillimet, ndërsa konfliktet ndikojnë në sigurinë, energjinë dhe marrëdhëniet gjeopolitike në rajon.


Lajmi kryesor:

Irani vendos 6 kushte për t'i dhënë fund luftës! Trump paralajmëron: 48 orë afat për Hormuzin, përndryshe sulme ndaj centraleve elektrike