Nevil Dede drejton AF Elbasanin edhe në Superligë

Nevil Dede drejton AF Elbasanin edhe në Superligë

Nevil Dede

Akademia e Futbollit Elbasani nga sezoni i ri do jetë pjesë e Superligës, kjo për herë të parë në historinë "moderne" të klubit dhe pas ndryshimit të emrit nga falimentimi i ish ekipit KF Elbasani.

Katër vite pas krijimit, AF Elbasani këtë sezon u shpall kampion në Kategorinë e Parë dhe nga edicioni i ri do jetë në elitë. Në stol sërish do jetë Nevil Dede, trajneri që brenda një viti ia doli të ngjitet në Superligë me ekipin që drejton.

Drejtuesit pritet t'i besojnë sërish 49-vjeçarit për sezonin e ri, kjo edhe falë përvojës së tij. Skënderbeu, Tirana, Laçi, Luftëtari, sërish Tirana, Kastrioti, Shqipëria U-19, Erzeni dhe Dinamo, këto janë klubet ku Dede ka qenë në pankinë dhe ka bërë mirë.

Sezonin e fundit AF Elbasani kishte një përballje të fortë me Bylisin, teksa me 79 pikë doli në vendin e parë. Me 2.39 pikë për ndeshje, Dede në drejtimin e ekipit siguroi 24 fitore, shtatë barazime dhe vetëm dy humbje.

Në Elbasan është koha për të festuar suksesin dhe për të rifreskuar idetë e sezonit të ri, me Deden që do jetë sërish arkitekti i ekipit dhe pritet që pjesa kyçe e lojatërve të jetë nga sezoni që sapo lamë pas, pasi verdheblutë kanë në gjirin e tyre emra të rëndësishëm të futbollit shqiptar.

S.DH/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Alibeaj iku nga grupi PD, çfarë duhet të bëjnë deputetët e tjerë pro Bashës?



×

Lajmi i fundit

'Spanjës t'i 'lexojmë' lojën', Ivan Balliu: Po u sollën mirë, i ftojmë në plazhet e jugut

'Spanjës t'i 'lexojmë' lojën', Ivan Balliu: Po u sollën mirë, i ftojmë në plazhet e jugut