POP 5

Lajmet më të lexuara të 5 minutave të fundit

Bota

New York, Asambleja e OKB diskuton sot për klimën (VIDEO)

60 delegacionet do tentojnë ringjalljen e marrëveshjes së Parisit.  16 vjeçarja Greta Thunberg, në Samitit të Kombeve të Bashkuara

E diela ishte pa makina edhe në Kryeqytetin e institucioneve europiane. Brukseli i ka rritur pritshmëritë në prag të Samitit të Kombeve të Bashkuara që fillon këtë të hënë, si dhe përurimit të Komisionit të ri Evropian, shumë i ndjeshëm për çështjet mjedisore.

"Ne pretendojmë se kemi dërguar një mesazh nga Kryeqyteti Europian deri në New York, dhe shpresojmë se politikanët tanë do të jenë në lartësi të ambicieve tona”- thotë një prej organizatorëve ambjentalistë

Larry Moffet ka krijuar një lëvizje të quajtur ‘E dashur Ursula’, lëvizje e cila kërkon të bëj presion mbi Komisionin Europian.

“Presidentja e Komisionit ka bërë shumë premtime mbi klimën, por për ne ato janë të paqarta. Ne kërkojmë garanci’.

Lëvizjet e qytetarëve të mbarë botës, duket se janë të pamjaftueshme për ti dhënë zgjidhje krizës së klimës dhe shpresa e fundit e tyre janë politikanët.

Ndërkohë në Pallatin e Qelqtë të OKB, prej ditës së djeshme ndodhet edhe simboli i protestave në mbrojtje të klimës, Greta Thunberg.

Suedezja, e cila kishte në krah edhe Sekretarin e Përgjithshëm të Kombeve të Bashkuara, Antonio Guterres, u prit me ovacione nga të pranishmit.

Misioni i 16 vjeçares ishte i qartë: Miliona njerëz në të gjithë botën kanë demonstruar këto ditë duke kërkuar veprime konkrete në favor të klimës. Ne jemi unitar dhe do të jemi të pandalshëm".

Të Premten, në New York, Greta Thunberg ishte në krye të manifestimit të organizuar në mbrojtje të klimës, një ngjarje që bashkoi gjithë planetin. Manifestimet e të rinjve nisën në Australi, kaluan nëpër kryeqytetet e vendeve europiane dhe kulmuan në SHBA.

Sot në samitin e klimës, rreth 60 përfaqësues të vendeve të ndryshme të botës, do të tentojnë të ringjallin marrëveshjen e përgjumur të Parisit mbi klimën.

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça