New York Times, dy “Pulitzer” për fotolajmin 

New York Times fitoi dy çmime Pulitzer dedikuar fotolajmeve. Bëhet fjalë për çmimin “Fotografia e momentit të fundit” fituar nga gazetari Tyler Hicks dhe çmimi “Fotografia më e mirë” nga Josh Haner.
 

Tyler Hicks, gazetar amerikan, banor në Kenia, u ndodh rastësisht në mes të sulmit që u bë në qendrën tregëtare "Westgate Mall" Nairobi, të kryer nga një grup islamikësh somalezë në 21 shtator 2013.





(Në foto: Sulmi në "Westgate Mall" Nairobi. Fotolajmi që fitoi çmimin e parë "Pulitzer" nga gazetari Tyler Hicks, NYT)



Sulm i cili mbylli një tragjedi me 59 të vdekur dhe 175 të plagosur. "Unë kam përjetuar shumë luftëra në botë," tha fituesi Tyler. “Por kjo nuk është një luftë, kjo është një vrasje e civilëve të paarmatosur”.

 Fotot tregojnë të vërtetën e skenave të sulmit të tmerrshëm, rrëmbimin e shumë të mbijetuarve dhe veprimin e ekipit SWAT për të liruar civilët. Pa kursyer asgjë për shikuesit.
 
Kjo nuk është hera e parë që gazetari Hicks ka rrezikuar jetën e tij për të kapur fotot e momenteve të fundit. Ai ishte një nga katër gazetarët e “Times” që u rrëmbye dhe u torturua në Libi në vitin 2011.

Ndërsa gazetari Josh Haner është vlerësuar me çmimin “Fotografia më e mirë”. Foto tregon një të mbijetuar nga një tjetër sulm, që ndodhi në 15 prill 2013 në maratonën e Bostonit , ku u vranë 3 persona dhe u plagosën 175.
 

(Në foto: "Fotografia më e mirë" që fitoi çmimin "Pulitzer" nga gazetari Josh Haner, NYT)

Në qoftë se çmimin e parë e mori gazetari Tayler dedikuar për aftësinë e fotografisë duke kapur momentin dhe për ta sjellë atë në kujtesë, i dyti ishte një hetim i vërtetë dokumentar.

Një demonstrim i fotografisë se si është në gjendje për të shkuar përtej lajmit të thjeshtë dhe për të zbuluar përtej historisë duke i dhënë një kuptim më të gjerë. Redaksia Online (m.z/shqiptarja.com)