POP 5

Lajmet më të lexuara të 5 minutave të fundit

Kultura

Nga Amfiteatri te Kalaja, 5 mbrëmje letrare në Durrës! Festivali veror me biseda e diskutime për letërsinë

Pesë mbrëmje letrare do të mbahen mes diskutimesh për librin, recitimeve e homazheve për personalitete si Zeqo e Vlashi në Festivalin Veror të Librit në Durrës i cili nisi këtë të mërkurë. Panairi zhvillohet në pika të ndryshme të qytetit, nga shëtitorja Taulantia tek Amfiteatri Romak

DURRËS- Në shëtitoren Taulantia zuri fill këtë të mërkurë Festivali veror i librit në Durrës.

Panairi gjatë këtyre 5 netëve do të mbledhë dashamirës të librit, edhe në të tjera pika takimi. Mbrëmje poetike, biseda letrare e takime me autorë në Librarinë Hygo, Amfiteatrin Romak , Kullën C e të tjerë. Protagonisti i kësaj të enjteje është Loer Kume, fituesi i çmimit Kadare 4 vite më parë.

 Ndërsa e premtja ka në qendër diskutimin mes letrarëve për temën “Nga libri në libër, nga zëri në zë” me të ftuar shkrimtarë e përkthyes si Aida Baro, Virgjil Muçi, Rudi Erebara, Sokol Çunga e të tjerë si dhe një bisedë letrare për “Erosin te gostia e Platonit” me filozofin e pedagogun Artan Fuga.

E shtuna i dedikohet dy personaliteteve Moikom Zeqo e Gjergj Vlashi, autorë durrsakë e miq në jetë, në një tryezë diskutimi me studiues si Përparim Kabo e Haxhi Rama e  të tjerë.

 Nata e pestë harmonizon muzikën e letërsinë e ka në fokus promovimin e  shkrimtarëve të rinj, por edhe tryezat e diskutimit rreth botimeve të huaja e shqiptare të përzgjedhura, kryesisht të shtëpisë botuese Dituria.

B.K./LR/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Kurbin/ Humb kontrollin e mjetit dhe del nga rruga, ndërron jetë 65- vjeçari

Kurbin/ Humb kontrollin e mjetit dhe del nga rruga, ndërron jetë 65- vjeçari

25 Dhjetor, 08:23