POP 5

Lajmet më të lexuara të 5 minutave të fundit

Sociale

Nga çadra në gërmadhë, çifti Çadellaj në Elbasan ende pa strehë pas tërmetit të nëntorit! Të moshuarit: Netët i ngrysim me frikën e vdekjes! Kërkojmë një shtëpi normale (VIDEO)

Në këto ditë acari, çifti Çalladej nga fshati Trepsenisht i Elbasanit jeton në mjerim. Muret janë të çara, ndërsa shtëpia rrezikon t’i zërë brenda. Ata i kërkojnë bashkisë një shtëpi normale, pasi banesa u është rrënuar nga rrëshqitjet e tokës dhe tërmeti i vitit 2019

Kjo ngrehinë mund të ngjajë më shumë me një stallë, por aty banojnë një çift të moshuarish. Me mure të çara e pa minimumin e kushteve jetike, Skënder e Lefterije Çalladej, i ngrysin netët me frikën se banesa do t’u shembet, e do t’i zërë brenda.

Kjo ka shërbyer si streha e tyre për dekada, por gjendja u përkeqësua gjatë rrëshqitjeve të vazhdueshme të tokës. Goditjen e fundit, kësaj banese në fshatin Trepsenisht të Elbasanit, ia dha tërmeti i 26 nëntorit 2019. Shtëpia u shpall e pabanueshme, por çifti i të moshuarve nuk kishte ku të përplasej.

“Nga e keqja e madhe kemi ardhur prapë”- u shpreh i moshuari.

Që nga viti 2017, Skënderi dhe Lefterija të moshës 67-veçare, janë detyruar të jetojnë në një çadër që ua siguroi bashkia.

“Ne morëm një çadër që na e dha bashkia , prefektura dhe jetuam aty gjatë gjithë kohës, por tani është shumë ftohtë dhe u futëm te shtëpitë e vjetra.”

E vetmja mundësi të ardhurash, është pensioni i invaliditetit, ndërsa vajza e tyre jeton tek të afërmit. Dëshira e vetme e dy të moshurave është një strehë normale.

“Dua vetëm strehim, shteti të na ndihmoj.”

Për rastin, Report Tv u interesua në Bashkinë dhe prefekturën e Elbasanit, nga ku u informua se fondet për ndërtimin e një banese të re nuk janë akorduar ende. Kjo për shkak të mungesës së lejes së ndërtimi, pasi toka në zonë, është e rrëshqitshme.

E derisa ky ngërç të zgjidhet, çifti Çalladej, do të vazhdojë të banojë në këtë gërmadhë, me frikën se të nesërmen nuk do të gdhihen më.

J.GJ./M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Foni: 31/01/2022 03:10

    Eh moj nene. Shyqyr qe je gjalle. Dhe ishalla sa ta marre vesh sulltani Ramigani mbase te japin no nje shpi.

    Përgjigju
  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Banorët e Roskovecit protestë kundër Termocentralit të ri: Mos na merrni jetën! I vënë flakën shtyllës së piketimit: Rama ta anulojë, dëmtohet e gjithë zona

Banorët e Roskovecit protestë kundër Termocentralit të ri: Mos na merrni jetën! I vënë flakën shtyllës së piketimit: Rama ta anulojë, dëmtohet e gjithë zona

26 Dhjetor, 12:12