POP 5

Lajmet më të lexuara të 5 minutave të fundit

Sport

Nga Matuidi te gjashtë futbollistët e Espanyol, shtohen rastet me koronavirus në futboll. Pozitiv edhe Kevin Durant në NBA (VIDEO)

Blaise Matuidi është futbollisti i dytë që ka rezultuar me koronavirus te ekipi i Juventusit. 

Blaise Matuidi është futbollisti i dytë që rezulton pozitiv me koronavirus te skuadra e Juventusit. Mesfushorit francez ditën e martë iu kryen testet për COVID-19 dhe pas disa orësh pritje u konfirmua se ashtu si shoku i skuadrës Daniele Rugani ishte i infketuar nga kjo pandemi që pothuajse ka prekur të gjithë botën, pa kursyer këtu as sportin.

Sipas raportimeve lojtari është në gjendje shumë të mirë dhe nuk ka shfaqur simptoma, ndërsa për momentin po qëndron i izoluar në shtëpi nën kujdesin e mjekëve. Menjëherë pas publikimit të këtij lajmi shoku i skuadrës Miralem Pjanic ka publikuar një video ku feston i përqafuar me Matuidin titullin kampion, ndërsa shkruan: “Eja vëlla, gjithçka do të shkojë mirë.” Sakaq një mesazh mbështetës ka shkruar edhe ish-futbollisti i Juventusit Mehdio Benatia i cili në rrjetet sociale citon ‘një ushtar si Matuidi nuk mund të mposhtet nga virusi.’

Ndërkohë në orët e fundit numri i lojtarëve të prekur është rritur në Seria A pasi me koronavirus ka rezultuar edhe futbollisti i Verona-s Mattia Zaccagni.

Në La Liga pas Valencia-s COVID-19 ka prekur në masë edhe klubin e Espanyol. Katalanasit nëpërmjet faqes zyrtare kanë njoftuar se gjashtë pjestarë të klubit kanë rezultuar pozitiv në testet e kryera. Po sipas Espanyl futbollistët kanë siptoma shumë të lehta dhe po ndjekin rekomandimet e mjekëve.

Sakaq nga Amerika raportohet se pozitiv me koronavirus ka rezultuar edhe ylli i NBA Kevin Durant, që luan me Brooklyn Nets. Në këtë skuadër së bashku me Durant pozitiv kanë rezultuar edhe tre baskebollistë të tjerë.

Blaise Matuidi

Ne.k./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    17 Dhjetor, 08:53

    Hapet një tjetër grupkapitull me BE, a po ecet shpejt drejt integrimit?

Lajme të tjera



×

Lajmi i fundit

SHBA i kërkon Europës t'i japë fund varësisë energjetike nga Rusia

SHBA i kërkon Europës t'i japë fund varësisë energjetike nga Rusia

18 Dhjetor, 19:41