Nga muaji maj ujë 24 orë për 5800 banorë të Cërrikut, Balluku inspekton punimet: Ndërtimi i ujësjellësit investim 2.8 mln euro

Një investim prej 2.8 milionë eurosh në Bashkinë e Cërrikut, synon të furnizojë me uji 5800 banorë të fshatrave Mollas, Linas, Kamunah dhe Dasar.

Ministrja e Infrastrukturës dhe Energjisë Belinda Balluku teksa inspektoi punimet për ndërtimin për herë të parë të ujësjellësit në njësinë administrative Mollas në Cërrik, shpjegoi se si do të bëhet furnizimi me uji i qytetarëve.

“Ne nuk kemi burime gravitacionale dhe kemi qenë të detyruar që të hapim një rezervuar i cili do të furnizohet nga tre puse”, u shpreh Balluku.

LEXO EDHE:
Po riparonte shtyllat e ndriçimit në Elbasan, punëtori i bashkisë rrëzohet nga vinçi, humb jetën në spital

Ministrja tha se në këtë qytet nuk ka pasur investime në ujësjellës që prej viteve 90’, prandaj kërkoi që punimet të jenë cilësore, dhe të shihet mundësia që ujësjellësi të përdorë edhe energjinë alternative.

“Ti japim zgjidhje siç i kemi dhënë në Belsh apo në Bashki të tjera duke filluar prodhimin e energjisë e cila do përdoret nga ujësjellësit me panele diellore dhe duke i bërë kështu sisteme që kanë autonomi energjetike nga pjesa tjetër e rrjetit. Duke rritur kështu eficencën energjetike që është një nga çelësat kryesorë të përdorimit sa më pak të energjisë e cila rrit kostot e ujësjellësve”, vijoi Balluku.  

Projekti për ndërtimin dhe furnizimin me uji të qytetarëve pritet të përfundoj në maj të këtij viti.

SI.E./Shqiptarja.com

TAG:
• Elbasan
• cerrik
• belinda balluku
• Ministria e Infrastrukturës dhe Energjisë