Tirana po bëhet gati për të përkujtuar 5 Majin, Ditën e Dëshmorëve të Atdheut. Por ndryshe nga vitet e tjera, krahas ceremonive zyrtare e homazheve në Varrezat e Dëshmorëve të Kombit, Bashkia e Tiranës ka menduar që këtë datë të shënuar ta përkujtojë krejt ndryshe për të gjitha grupmoshat, ndërkohë që rrugët e kryeqytetit do të jenë pa makina për t’ia dedikuar të gjithë hapësirën këmbësorëve. Në këtë mënyrë, 5 maji do të jetë i mbushur me shumë aktivitete të ngjashme me Ditën e Verës.
Në Bulevardin “Dëshmorët e Kombit” dhe Sheshin “Nënë Tereza” do të zhvillohet Panairi i antikuarëve të Tiranës, ndërsa do të zhvillohet edhe ceremoniali i skulpturave të Partizanëve. Ndërkaq do të jetë edhe një muze i hapur.
Gjithashtu është menduar edhe një program i pasur artistik, ku nuk do të mungojë Kori i Shkollave të Mesme, shfaqja e filmave të vjetër shqiptarë me temë nga LANÇ si dhe do të ketë edhe një performancë të 50 balerinëve.
![](https://shqiptarja.com/template/img/NO_ALFA_Kuadrate shqiptarja.png)
Paralelisht, aktivitetet do të mbahen edhe në Sheshin "Skënderbej", ku do të ketë një koncert me korin e Liceut Artistik kombinuar me shfaqje aktrimi të fëmijëve të QKKF si dhe do të organizohet një minipoligon për qitje dhe Paintball.
Festa do të vijojë edhe në orët e mbrëmjes ku do të ketë këngë kënge partizane në sheshin “Nënë Tereza”.
Bulevardi “Dëshmorët e Kombit” dhe Sheshi “Nënë Tereza”
-Ora 08:00 Panairi i antikuarëve të Tiranës
-Ora 09:00 Ceremoniali i skulpturave të Partizanëve
-Ora 09:00 Open Muze
-Ora 10:00 Kori i Shkollave të Mesme
-Ora 10:00 Shfaqje e filmave të vjetër shqiptarë me temë nga LANÇ
-Ora 10:30 Performancë e 50 balerinëve
-Ora 19:00- 21:00 Këndojmë kënge partizane në sheshin Nënë Tereza
Sheshi "Skënderbej"
-Ora 10:00-11:00 Koncert me korin e Liceut Artistik kombinuar me shfaqje aktrimi të fëmijëve të QKKF
-Ora 10:00-13:00 Organizimi i një minipoligoni qitje dhe Paintball
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)