Anisa është 21 vjeçe. Duke nisur nga e enjtja e 8 shkurtit do të jetë zyrtarisht pjesë e Policisë së Shtetit. Sot, e diplomuar për patrullë të përgjithshme, për të një ëndërr e bërë realitet.
“Për mua nuk ka qenë e vështirë sepse e kam pasur pasion dhe kur e ke diçka me pasion normalisht nuk është shumë e vështirë. Kam pas një ëndërr që kur kam qenë e vogël, që tani është realitet dhe jam shumë e lumtur”, tha punonjësja e policisë Anisa Domi.
Të qenit pjesë e bluve, për të është mision, larg të qenit thjesht një profesion.
“Sapo mbarova gjimnazin, aplikova këtu dhe jam e lumtur që fitova dhe sot diplomohen. Më ka pëlqyer gjithmonë sepse është mision, më i rëndësishmi nga të gjithë besoj. Që të jesh në shërbim dhe mbrojtje të qytetarëve nuk besoj se ka gjë më të bukur”.
Nuk ka asnjë familjar në radhët e uniformave blu, por frymëzimi tregon se kanë qenë gjithnjë ata që tashmë do të jenë kolegët e saj, të cilët sipas Anisës kanë një ndjenjë sublime shërbimi dhe sakrifice.
“Jo nuk kam pasur asnjë në familje. Thjesht e kam pasur pasion uniformën ta mbaja. Përcjell respekt dhe besim te qytetarët. Kam parë punonjësit e tjerë të policisë që ishin shumë të devotshëm për të ndihmuar të gjithë qytetarët dhe më pëlqente ky mision dhe jam e lumtur që tani do jem edhe unë pjesë e tyre”.
Njëlloj si Anisa, shkollën bazë të policisë në Akademinë e Sigurisë e mbyllën edhe 384 të tjerë, të cilët i bashkohen krah për krah bluve, teksa 400 të tjerë nisën sot ëndrrën për herë të parë pasi kanë kaluar fazat e konkurrimit.
Në ceremoninë e kësaj të mërkure të diplomimit ishte i pranishëm ministri i Brendshëm, Taulant Balla, i cili kërkoi nga të rinjtë zbatim të ligjit dhe parandalim të krimit.
“Duke filluar nga nesër, secilit prej Jush do t’i duhet të marrë vendime të vështira. Do të duhet t’i merrni këto vendime sepse detyra e policimit është në radhë të parë përgjegjësi dhe në ushtrimin e kësaj përgjegjësie do të duhet të zbatoni ligjin, të hetoni dhe parandaloni krimin, të mbroni qytetarët dhe t'i çoni shkelësit e ligjit përpara drejtësisë”.
Në të njëjtën ditë kur Anisa dhe kolegët e saj kurorëzuan studime, 103 studentë të tjerë, të cilët kanë mbaruar ciklin e arsimit të lartë, fillojnë nga në akademi, Fakultetin për Sigurinë dhe Hetimin.
Komente
Lajme të tjera
-
Trafiku në Tiranë, eksperti: Problem menaxhimi i rrugëve! Propozimet për zgjidhje, parkime jashtë Unazës së Vogël e sinjalistikë e përkohshme
21 Dhjetor, 12:30 -
Kryepolici Proda emëron 48 shefat e Komisariateve në 12 drejtoritë e qarqeve, asnjë grua! Lista me EMRAT dhe qytetet
18 Dhjetor, 08:51
-
'Rritje e pensioneve, nisur nga më të ultat', ministri Hoxha me ish-punonjës të policisë: Mbështetje për familjet e dëshmorëve
16 Dhjetor, 17:52 -
Takimi me ish-punonjës të Policisë, Rama: Po përgatitemi për rritjen e fondit të pensioneve! Ministri Hoxha: Mbështetje për familjet e dëshmorëve
16 Dhjetor, 17:52 -
Gara për 48 shefat e Komisariateve, 9 nga kandidatët ankimojnë rezultatin! Shqyrtimet nga Komisioni bëhen më 16-17 Dhjetor
13 Dhjetor, 15:47 -
Zbardhet lista për garën e shefave të 48 Komisariateve! 102 kandidatë morën më shumë se 70 pikë, 16 u skualifikuan dhe 23 u tërhoqën (RENDITJA)
11 Dhjetor, 17:51 -
Lufta kundër krimit dhe siguria e qytetarëve, kryepolici Proda pret ambasadorin e Arabisë Saudite: Forcim i mëtejshëm i bashkëpunimit!
10 Dhjetor, 15:47 -
Fier/ Kundërshtim policie, vjedhje dhe publikim i fotove intime, 3 të arrestuar dhe një në kërkim brenda pak orëve (EMRAT)
6 Dhjetor, 13:24 -
Tiranë/ Shantazh me 20 mijë euro për të mos i publikuar foto e video intime, arrestohen 3 persona! Mes tyre dhe një femër (EMRAT)
6 Dhjetor, 12:53 -
Policia e shtetit bën bilancin për nëntorin: U sekuestruan 1.8 mln euro pasuri e krimit, 568 në pranga për vepra të ndryshme penale
6 Dhjetor, 09:29 -
Gara për shefat e 48 komisariateve/ Komisioni i Vlerësimeve të Aplikimeve nis intervistimin e kandidatëve
5 Dhjetor, 14:03
-
Gara për shefa komisariatesh, të hënën nisin intervistat! Shefat e rinj zgjidhen nga komisioni me 3 gra
30 Nëntor, 10:46
RESPEKTE E KURAJO !
Përgjigju