POP 5

Lajmet më të lexuara të 5 minutave të fundit

Nga stolitë tek kostumi tradicional, Zadrima vishet 'nuse' në një ditë

Tradita e bukur e dasmës Zadrimore është rikthyer simbolikisht  në fshatin Mabë të Lezhës. Përmes folklorit dhe veshjeve artizanale,  njerëz të artit, kulturës dhe banorë të zonës interpretuan ritet ceremoniale të një dasme tradicionale ku vajza bëhet nuse në Zadrimë.

E stolisur deri në detaje, plot hir e bukuri nën veshjen e kostumit tradicional të zonës. Ky është një çast sublim i një vajze që bëhet nuse në Zadrimë.

Nga ritet e kulinarisë, folklori e deri tek këngët dhe vallet përfaqësuese të zonës janë bërë bashkë në një ditë duke rikthyer traditën folklorike dhe ritualin ceremonial të dasmës Zadrimore, në fshatin Mabë të Lezhës.

Qëndisur në ar, argjend dhe mëndafsh pjesë e këtij ansambli zbukurues të gamës ceremoniale të dasmës zadrimore janë edhe veshjet artizanale.

E gjithë kronologjia e dasmës u soll simbolikisht duke u improvizuar dhe përcjellë në detaje nga njerëzit e kultures, artit dhe banor të zonës.

Protagonistet e dasmave tradicionale të kësaj zone, thonë se evente të tilla kulturore mbajnë gjallë folklorin dhe traditat zakonore edhe tek brezat e rinj.

 “Për mua është një kënaqësi e madhe që bëjmë një dasmë zadrimore. Traditat tona s’do të hiqen kurrë brez pas brezi do të trashëgohen ashti siç kanë bërë të parët tanë. Sot jam 66 vjeçe dhe po këndoj prap.”tha kwngwtarja Taze Ndoci.

 “Ju inkurajoj që këto tradita t’i ruani dhe t’i trashëgoni brez pas brezi se nuk ka gjë më të bukur se të shikosh një dasëm zadrimore ku ka këngë, kostume të jashtëzakonshme dhe këto vlera na përkasin të gjithëve.”, tha kryetari i Bashkisë së Lezhës, Pjerin Ndreu.

Tradita e bukur e dasmës Zadrimore, vazhdon të ruhet prej vitesh nga banorët e zonës ku folklori dhe tradita janë trashëguar në shekuj brez pas brezi.

J.GJ./Sh.Sh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Ylli Pata: Legjendat elektoralo-amerikane të Sali Berishës

Ylli Pata: Legjendat elektoralo-amerikane të Sali Berishës

25 Dhjetor, 20:00 nga Ylli Pata