POP 5

Lajmet më të lexuara të 5 minutave të fundit

Sociale

Nga vazot e luleve deri tek lavazhet, çfarë duhet të dini për Ethet e Nilit dhe mushkonjat, para se të alarmoheni! Flet shefja e Epidemiologjisë në Fier

Fieri është një nga zonat më të prekura nga “Ethet e Nilit”, kjo për shkak se mushkonjat infektuese kanë gjetur habitat në kanale kulluese apo vende të tjera me ujë të ndotur. Shefja e Epidemiologjisë, Anila Moçka shprehet se nuk ka vatra epidemiologjike, por raste të shpërndara në disa fshatra të ndryshëm të këtij qarku.

Fieri është një nga zonat më të prekura nga “Ethet e Nilit”, kjo për shkak se mushkonjat infektuese kanë gjetur habitat në kanale kulluese apo vende të tjera me ujë të ndotur. Shefja e Epidemiologjisë, Anila Moçka shprehet se nuk ka vatra epidemiologjike, por raste të shpërndara në disa fshatra të ndryshëm të këtij qarku.

Moçka këshillon qytetarët që të bëjnë kujdes me ujin e ndotur apo të ndenjtur, që përbën rrezik për shtimin e popullatës së mushkonjave. Ajo thotë se amvisat duhet të mos i lënë vazot e luleve me shumë ujë në ballkon, ndërsa pushteti lokal duhet të tregojë kujdes me pastrimin e kanaleve por dhe lavazhet e makinave.

Ethet e Nilit u rikthyen në vendin tonë pas 13 vjetësh duke shkaktuar deri tani 3 të vdekur dhe 17 të infektuar. Në mesin e të infektuarve janë dhe tre pacientë nga qarku i Fierit, të cilët po marrin mjekim në spitalin Infektiv të QSUT-së. Shefja e shërbimit epidemiologjik në Fier Anila Mocka tha se gjendja e pacientëve është e qëndrueshme. Po kaq dy persona të tjerë nga Fieri janë të dyshuar me “Ethet e Nilit dhe pritet konfirmimi i analizave nga ISHP-ja.

Personat e infektuar me virusin e Nilit Perëndimor shfaqin shenja si ethe, dhimbje koke, lodhje, dhimbje trupore, të vjella, herë pas here skuqje të lëkurës dhe fryrje të gjëndrave limfatike. Shenjat e sëmundjes së rëndë si meningiti ose paraliza flakside akute përfshijnë: dhimbje koke, temperaturë të lartë, ngurtësim të qafës, mpirje, gjendje kome dhe konvulsione.  Nuk ka vaksina për ta parandaluar dhe as trajtim specifik për sëmundjen që prek sistemin nervor, shkaktuar nga virusi i Nilit Perëndimor. Trajtimi është vetëm mbështetës dhe simptomatik.

R.D/I.M/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 25 Janar, 13:37

    A duhet të votojnë emigrantët që kanë vetëm dokumente identifikimi të huaja?

Lajme të tjera



×

Lajmi i fundit

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

26 Janar, 22:57