Ngec Partizani,Skënderbeu shkon +6 

Skënderbeu nuk ka lënë t’i shpëtonte rasti për t’u shkëputur nga vendi I dytë, pas barazimit të partizanit në Laç. Kampionët kanë mundur 2-1 Vllazninë duke u shkëputur plot 6 pikë nga Partizan. Vllaznia luajti me mungesa të rëndësishme në Korçë, pa Kalajan dhe Vrapin e dëmtuar, Cungu në 4-3-3 e tij rreshtonte në vijën e parë Cinarin, Shtubinën dhe Dyca. Pa bomberin Salihi titullar dhe Renatinho në dyshen e sulmit të Skënderbeut përkrah James.

Ndeshje e nisur sic pritej me inisiativën  në krahun e skuadrës korçare që gjeti golin e avantazhit pa u mbushur çerek ore lojë, aksion i bukur me James që propozon në të djathtë Latifin i cili pason në qendër ku nuk mund të gabonte Renatinho në 14’. Skenderbeu në avantazh por  ndeshja mbetet e hapur me Shehin që i duhet të falënderojë fatin teksa shpëton në këtë episod të minutës së 26 me Dycën shumë pranë golit.