Prej afro 4 muaj vetting në policinë e shtetit thuajse ka “ngecur” pasi edhe në faqen zyrtare të këtij procesi në Ministrinë e Brendshme nuk ka asnjë të dhënë.
Atëher kur pritet të niste e vazhdonte paralelisht me procesin e Vettingut në sistemin e drejtësisë për herë të fundit, ai në polici është updatuar më 18 qershor 2018.
Në këtë rifreskim zyrtar flitet për përzgjedhjen e kandidatëve të cilët janë pjesë e komisionit të jashtëm të vlerësimit dhe sekretariatit. Por nga kjo ditë e deri më sot kur data shënon 26 tetor 2018 nuk ka asnjë zhvillim.
Jo zyrtarisht Report Tv ka mësuar se strukturata e Vettingut në polici po përgatisin godinat e punës pranë Akademisë së Policisë në Sauk. Por se kur do të nisë ky proces askush s'të jep një datë fikse as në Policinë e Shtetit as edhe në Ministrinë e Brendshme.
