Kjo është grabitja e dytë më e madhe e këtij viti ndaj një banke të nivelit të dytë, pas grabitjes spektakolare në aeroportin e Rinasit, mesditën e 30 Qershorit, pra pak më shumë se 1 muaj më parë.

Nga kjo grabitje me armë brenda pistës së Rinasit, persona ende të paidentifikuar arritën të vjedhin 995 mijë euro duke u larguar më tej me një automjet të kuq, që pak ditë më vonë u gjet në një fshat i djegur.

Lidhur me këtë ngjarje janë arrestuar vetëm 5 punonjës të sigurisë së pistës së Rinasit, ndërkohë që për sa i përket identifikimit të autorëve, deri tani nuk ka asnjë rezultat.

Hetimet për këtë pjesë i janë besuar Prokurorisë së Krimeve të Rënda,e cila ka mobilizuar dy prokurorë për këtë çështje.

Redaksia Online
Shqiptarja.com