Ngjela: Ja çfarë i tha Merkel
Ramës, të dorëhiqet sa më parë

Avokati Spartak Ngjela ka sulmuar direkt kryeministrin Edi Rama, teksa shkruan se të gjitha ato që i tha ambasadori Donald Lu ia ka thënë me ton të rreptë kancelarja gjremane, Angela Merkel. Duke cituar politikën e lartë gjermane, Ngjela shkruan se kryeministri Rama dhe të tjerët në Shqipëri nuk e dëshirojnë një sistem të drejtë dhe nuk duan ta ndërtojnë.

Në “Facebook”, avokati i njohur shton se Rama, Berisha dhe Basha kanë frikë nga amerikanët që të shpallin një marrëveshje, duke sqaruar se nuk janë vetëm amerikanët, por edhe gjermanët në sulm moral me fakte kundër tyre.
 
Postimi i plotë:
Politika e lartë gjermane deklaron: kryeministri shqiptar Rama dhe të tjerët në Shqiperi nuk e dëshirojnë këtë sistem dhe nuk duan ta ndërtojnë.
Të gjithë ato që tha ambasadori Donald Lu para tre ditësh, ia ka thënë Ramës me ton të rreptë kancelarja gjermane Angela Merkel herën e fundit kur ky ishte në Berlin.
Po pse rrinë ende në drejtim këta ordinerë që e vetmja gjë që bëjnë është përvetësimi i vlerave monetare dhe materiale të Shqipërisë dhe të shqiptarëve?
Sot dëgjuan dhe zvrndësekretarin e Departamentit të Shtetit: foli njëlloj si Donald Lu.
l.
E shihni si janë katandisur trimat që kanë vjedhur shqiptarët?
Rama, Berisha dhe Basha kanë frikë të shfaqin hapur një marrëveshje të fëlligësht. (!)
Pyetja është: nga kush kanë frikë?
Sigurisht nga politika amerikane. Po, pse janë kaq të lehtë nga memdja: derisa kanë frkë nga amerikanët që të shpallin një marrëveshje; nuk e mendojnë dot që e kanë edhe më të frikshme që të ndërmarrin bashkë një një akt antiamerikan?
Po nuk është vetëm politika amerikane e hedhur në sulm moral me fakte kundër tyre, por edhe politika gjermane.
"Ku shkoni o të mjerë? Pse rendin me vrap për t'u vrarë?" - Kështu do t'i u këndonte Homeri; sepse janë duke shkuar vetë drejt vetëasgjësimit.
ll.
Po, ku t'i gjejë mendtë Ramë ziu! Në treg nuk ka.
Kurse Saliu nuk para beson, po i ka hipur vagonit të Ramës që ta nxjerrë diku jashtë rrezikut; se ka hallin e fëmijëve.
E shihni si iu është katandisur Saliu, kampioni fallso i antikomunizmit! Një i korruptuar ordiner që, pasi ka dashur të shkatërrojë Shqipërinë dhe shqiptarët, e gjeti veten në vetëshktërrim me gjithë familjen e tij.
Dhe tani Saliu na e paska shpresën të Rama.
Hajde Sali, hajde! Po, pse o derëzi, me atletët e Ramës do kalosh male dhe dete ti?
Po Rama?
Është i humbur. Do vazhdojë të fryhet edhe më në fytyrë, se e ka nga frika, dhe pastaj do qetësohet e do të shtrohet.
Nëse do që ta shpëtojë partinë që drejton, duhet të japë dorëheqjen sa më parë.

Redaksia Online
D.Ç./Shqiptarja.com