Mediet kryesore, përfshirë Neë York Times kanë shkruar për humbjen këtë të premte të Lolitës, balenës që jetoi për më shumë se 50 vjet në një akuarium detar të Miamit, duke argëtuar vizitorët. Shëndeti i balenës, e cila thërritej gjithashtu me emrin Toki dhe Tokitae, siç shkruajnë në faqen zyrtare të Miami Seaquarium, ishte përkeqësuar ditët e fundit, për shkak të problemeve të veshkave.
“Toki ishte një frymëzim për të gjithë ata që mundën ta dëgjojnë historinë e saj, e veçmas për kombin Lummi që konsideronte si familja e saj. Ata që kanë pasur nderin e privilegjin të kalojnë kohë me të do ta kujtojnë përgjithmonë shpirtin e saj të bukur” shkruan stafi më tej .
Nën presionin protestave të shoqatave për mbrojtjen e kafshëve kundër ‘Seaquarium’, zyrtarët kishin njoftuar se Lolita, e cila ishte tashmë 57-vjecc do të kthehej në oqean brenda disa muajve.
