POP 5

Lajmet më të lexuara të 5 minutave të fundit

Politikë

Ekonomi

Ngriti alarmin për prodhime bujqësore me helm, Braçe i përgjigjet gazetarit “influencer”: Sabotim bujqve shqiptarë, të sponsorizuara nga importuesit e fruta-perimeve

Sabotim i punës së ndershme të bujqve shqiptarë e konsideroi deputeti socialist Erion Braçe postimin e fundit të një gazetari që kohët e fundit shfaqet si influencer ku ngrinte alarmin për produkte bujqësore të helmuara në Shqipëri.

Deputeti i Partisë Socialiste, Erion Braçe, ka shkruar këtë të shtunë se prodhimet e bujqve shqiptarë janë të sigurta. ‘I detyruar’ nga postimi i një gazetari që kohët e fundit është shfaqur si influencer tik-toku në rrjetet sociale dhe që së fundmi e postonte me alarm faktin se sipas tij një bostan në Shqipëri ishte i helmuar me lëndë kimike, nitrat.

Të sponsorizuar nga importues frutash e perimesh në luftën kundër prodhimit vendas e quan Braçe lodrën kineze sipas tij që gazetari përdorte për të matur gjoja nitratin.

"Sulzotaj, Divjakë. Në sarajet e një tjetër mbreti në llojin e vet; thotë veç: ekstra! Në fakt bën shalqi të mirë! Ta pyesësh për nitratin që “zbulojnë” ato lodrat kineze sjellë në këtë vend nga importues frutash e perimesh në luftën kundër prodhimit vendas, e fyen; Janë bujq që punojnë drejt e ndershëm! Prodhimit të tyre as që i afrohet në shije ai turk apo grek që importojnë këta”, shkruan Braçe, krahas një videoje nga një parcelë me shalqi.   

Duke e përmendur edhe pronarin e Tregut Agro Ushqimor të Tiranës, Klodjan Allajbeu si pjesë të kësaj propagande, Braçe ka edhe një mesazh për të gjithë qytetarët duke theksuar se aparatet testuese që po reklamohen në internet kanë si qëllim që të sabotojnë prodhimin vendas.

“Të paguajnë për çdo lodër kineze këta importuesit e neveritshëm të tregut të Klodit, kurrë nuk do shesin dot shije si kjo e shalqinit të Divjakës, Çermave, Imshtës, Shkodrës etj! Blini prodhim vendi pa frike nga lodrat kineze të importuesve,"-shkruan në rrjetet e tij sociale deputeti Erion Braçe.

K.T./A.M/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • emigranti: 03/08/2024 13:56

    Pse nuk shkon atje te tregu dhe te besh edhe ti nje analize, Erjon?

    Përgjigju
    • Or tej: 03/08/2024 14:46

      Eshte me e thjeshte ti etiketojne si sabotatore or teeeejjjjj

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Kazakistan/ Rrëzohet avioni me 70 pasagjerë në bord! 6 të mbijetuar

Kazakistan/ Rrëzohet avioni me 70 pasagjerë në bord! 6 të mbijetuar

25 Dhjetor, 08:46