POP 5

Lajmet më të lexuara të 5 minutave të fundit

Bota

Ngushtica e Hormuzit, zhduket tankeri i naftës. SHBA akuzojnë Iranin

Një anije me flamur panamez, në pronësi të “Prime Tankers”, është zhdukur nga radari në datën 13 korrik, pas hyrjes në Ngushticën e Hormuzit

Ngushtica e Hormuzit, zhduket tankeri i naftës. SHBA akuzojnë Iranin

Anija cisternë “Mt Ria”, e cila para pak ditësh, pasi la një nga portet e detit të Oman në Dubai, kaloi përmes ngushticës së Hormuzit, vija ndarëse që ndan Gadishullin Arabik nga brigjet e Iranit, u zhduk nga radarët pasi ndërpreu papritmas sinjalin elektronik.

Duke pasur parasysh precedentët me depozitat e naftës në Gjirin Persik dhe akuzat e ndërsjella midis Shteteve të Bashkuara dhe Iranit, amerikanët menjëherë kanë sulmuar Teheranin për “humbjen” e anijes.

Sipas CNN, e cila përmend burimet e inteligjencës, “Mt Ria” është detyruar forcërisht nga forcat detare të Gardës Revolucionare, të hyjë në ujërat iraniane pa specifikuar arsyet apo metodat.

Në lidhje me incidentin, burimet e administratës amerikane kanë shkuar më tej.

Një zyrtar i Mbrojtjes Amerikane i tha “Associated Press” se “Mt Ria” ndodhet në ujërat territoriale iraniane pranë ishullit Qeshm, ku ka një bazë të Gardës Revolucionare.

"Ne kemi dyshime të besueshme se anija është rrëmbyer”- tha zyrtari amerikan I mbrojtjes.

Ministri i jashtme iranian, Mohammad Javad Zarif, ka deklaruar se Republika Islamike ka ofruar ndihmë pas marrjes së një kërkese nga ana e një anije cisternë nafte që “kishte një problem teknik" gjatë udhëtimit në Gjirin Persik.

"Sipas ligjit ndërkombëtar, forcat iraniane i janë drejtuar" anijes dhe, me ndihmën e një rimorkiatori, e kanë marrë atë në ujërat iraniane për të kryer riparimet e nevojshme," tha zëdhënësi i ministrisë, Abbas Mousavi.

 

/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 6 Janar, 20:03

    Si iu duket trafiku rrugor në Shqipëri?

Lajme të tjera



×

Lajmi i fundit

Sistemi Bonus Malus/ Braçe: Komisioni i Ekonomisë t'i kërkojë AMF-së pezullimin e zbatimit, favorizon kompanitë e sigurimit

Sistemi Bonus Malus/ Braçe: Komisioni i Ekonomisë t'i kërkojë AMF-së pezullimin e zbatimit, favorizon kompanitë e sigurimit

7 Janar, 12:07