Udhëheqësi i ekstremit të djathtë në Britaninë e Madhe,Nigel Farage: Lufta në Ukrainë e shkaktuar nga Perëndimi

Udhëheqësi i ekstremit të djathtë në Britaninë e Madhe,Nigel Farage:  Lufta në Ukrainë e shkaktuar nga Perëndimi

Nigel Farage

Udhëheqësi i partisë së ekstremit të djathtë të Britanisë Reforma në Mbretërinë e Bashkuar, Nigel Farage tha se Perëndimi kishte "provokuar" luftën në Ukrainë me "zgjerimin drejt lindjes së NATO-s dhe Bashkimit Evropian". Deklarata që nuk munguan të ngjallin kritika të forta.

Një ish-deputet evropian dhe aktivist kryesor i Brexit, Farage tha në një intervistë me BBC se ai kishte parashikuar tashmë në vitin 2014 para Parlamentit Evropian se do të kishte një luftë në Ukrainë. Me afrimin e zgjedhjeve legjislative të 4 korrikut, partia e tij po sheh një përparim në sondazhe, duke u afruar - apo edhe duke kaluar - Partinë Konservatore në pushtet.

"Më dukej e qartë se zgjerimi drejt lindjes i NATO-s dhe Bashkimit Evropian i dha Putinit një arsye për të alarmuar rusët. Natyrisht këtë ai e përdori si justifikim."

Pasi kishte deklaruar vazhdimisht simpatinë për presidentin rus, Farage pranoi se ai "e admironte atë si një politikan".

"Farage i bën jehonë justifikimit të neveritshëm të Putinit për pushtimin brutal të Ukrainës," shkruan Sekretari i Brendshëm James Cleverly në X.

"Churchill po kthehet në varrin e tij," reagoi ish-ministri i mbrojtjes Tobias Ellwood për Daily Telegraph.

Rendit zhvillimet sipas orarit:
Ora 17:19
Sulm masiv rus në infrastrukturën energjetike të Ukrainës

Forcat e armatosura ruse ndërmorën një sulm "masiv" në infrastrukturën energjetike në Ukrainën perëndimore dhe jugore gjatë natës, tha Ministria e Energjisë e Ukrainës.

 “Objektet që i përkasin Ukrenergo (operatori ukrainas) në rajonet e Zaporizhzhia (jug) dhe Lviv (perëndim) u dëmtuan”, shtoi ministria dhe dy punonjës u plagosën dhe u shtruan në spital.

Forcat e Armatosura ukrainase rrëzuan 13 dronë kamikaze të prodhuar nga Irani dhe 12 nga 16 raketat e lëshuara nga ushtria ruse. Lajmi u bë i ditur nga agjencia e lajmeve Rbc-Ukraine, duke cituar fjalimin e komandantit të Forcave Ajrore të Forcave të Armatosura të Ukrainës Mykola Oleschuk në Telegram.

Xh.K/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A duhet Rama të pranojë një qeveri teknike siç pretendon Sali Berisha?



×

Lajmi i fundit

Shembet skela 60 metra e lartë në Zvicër, 4 punëtorë të vdekur, 8 të plagosur! Mes viktimave 1 shqiptar e 2 portugezë

Shembet skela 60 metra e lartë në Zvicër, 4 punëtorë të vdekur, 8 të plagosur! Mes viktimave 1 shqiptar e 2 portugezë