Nigeri, lirohen pas tre vitesh 82
vajzat e rrëmbyera nga Boko Haram

Ekstremistët e grupit Boko Haram në Nigerinë Vriore, liruan rreth 82 nxënëse të rrëmbyera në vitin 2014 nga grupi militant në qytetin Chibok, në afërsi të kufirit më Çadin dhe Nigerin.

Zyrtarët qeveritarë nigerianë konfirmuan lajmin në orët e hershme të së dielës. CNN citoi një zyrtar qeveritar të ketë thënë se 82 vajza janë nën mbrojtjen e ushtrisë në qytetin verilindor Banki, afër kufirit me Kamerunin.

Vajzat do të transferohen në Abuja, kryeqytetin e Nigerisë për t'ju nënshtruar testeve mjekësore para se të bashkohen me familjet. Mediat shkruajne se ato janë liruar në këmbim me terroristët e grupit që janë arrestuar më parë.

Presidenti i Nigerisë, Muhammadu Buhari, tha se do t'i takojë vajzat të dielën në Abuja.

Vajzat fituan lirinë pas negociatave të zgjatura ndërmjet grupi Boko Haram dhe të dërguarve të qeverisë. Buhari tha se nxënëset u liruan në shkëmbim me ekstremistët e burgosur. Një numër u madh vajzash të rrëmbyera në Chibok janë ende të zhdukura.

Autoritetet thanë se 276 vajza u rrëmbyen nga një shkollë e mesme e drejtuar nga qeveria më 14 prill të vitit 2014. Afro 60 vajza që arritën të ikin gjatë orëve të para, thanë se rrëmbyesit i morën ato nga fjetoret dhe i hipën në kamionë për t'i nisur drejt pyllit.

Disa ditë më vonë, një video e shpërndarë gjerësisht tregonte mbi 100 vajza të rrëmbyera. Boko Haram tha se pengjet ishin konvertuar në islam dhe do të këmbeheshin vetëm më militantët e burgosur nga qeveria.

Rrëmbimet nxitën reagime ndërkombëtare që kërkonin lirimin e vajzave.

Militantët kanë rrëmbyer të paktën dy mijë vajza e djem që nga viti 2014. Shumë nga pengjet janë shfrytëzuar si kuzhinierë, skllave seksi, luftëtarë e madje edhe për të kryere sulme vetëvrasëse

Redaksia Online
e.m/Shqiptarja.com