POP 5

Lajmet më të lexuara të 5 minutave të fundit

Sport

'Nikaj ka probleme', Ivan Gvozdenovic: Skënderbeu ia del me tifozët për në 'Final 4'

Skënderbeu dhe Erzeni luajnë nesër në orën 18:00 për raundin e 33-të në Superligë.

'Nikaj ka probleme', Ivan Gvozdenovic: Skënderbeu ia del me tifozët për në 'Final 4'

Ivan Gvozdenovic, trajneri i Skënderbeut

KORÇË - Skënderbeu dhe Erzeni luajnë nesër në orën 18:00 për raundin e 33-të në Superligë. Korçarët kërkojnë tri pikët e radhës në shtëpi, në përmbushjeve të objektivit për katër vendet e para që të çojnë në "Final 4", duke kërkuar ndeshjet shtesë për trofeun e kampionit të këtij sezoni.

Para ndeshjes për mediet foli Ivan Gvozdenovic. Trajneri serb i Skënderbeut tha se sulmuesi Nikaj ka probleme në gju dhe nuk është vendosur nëse do jetë në fushë.

"Gjendja - Është e mirë, vetëm Nikaj ka një problem në gju dhe sot do shohim. Stafi do shohë sot dhe deri në këto momente nuk kemi mungesa. Erzeni? Ndeshja kundër tyre është shumë e rëndësishme, shumë e fortë. Kemi nevojë për pikët sepse nuk jemi të qetë. Jemi gjashtë pikë larg zonës së frohtë dhe 2 nga "Final 4". Ne jemi Skënderbeu dhe nesër do mendojmë të luajmë bukur dhe të marrim pikët.

Formacioni - Do luajmë si gjithmonë. Mendoj si të luajmë në sulm dhe bukur. Nëse Nikaj nuk është gati, me stafin do vendosim formacion sulmues.

Objektivi "Final 4" - E kam të vështirë të të jap një përgjigje. Mendoj vetëm si të fitojmë me Erzenin. Kjo varet nga shumë gjëra. Brenda në shpirt mendojmë për sipër, të shkojmë sa më lart dhe duam "Final 4".

Tifozët - Janë shumë të mirë, kanë qenë në çdo takim. Bashkë do ia dalim dhe kemi nevojë për ta. Besoj se me ta do bëjmë një atmosferë të bukur", tha serbi i Skënderbeut.

Me 44 pikë, korçarët janë dy pikë më pak se zona "Final 4" (vendi 6) dhe gjashtë më shumë se zona e ftohtë. Erzeni me 31 pikë pozicionohet në vendin e nëntë dhe është në luftë për mbijetesën, paçka se situata duket e vështirë.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Papët dhe jubilejtë: hapja e Derës Shenjte në histori

Papët dhe jubilejtë: hapja e Derës Shenjte në histori

25 Dhjetor, 07:31