ITALI - Spektakël i vërtetë në Arenën e Patinazhit në Akull në Milano, ku finalja e 1500 metrave në patinazhin e shpejtësisë dhuroi emocione të forta dhe një rezultat historik. Kinezi Ning Zhongyan u shpall kampion olimpik në Lojërat Olimpike Dimërore 'Milano Cortina 2026', duke vendosur një rekord të ri olimpik prej 1 minutë 41 sekonda e 98 të qindtat.

Performanca e tij ishte e jashtëzakonshme, duke i rezistuar presionit të madh nga amerikani Jordan Stolz, i cili provoi një rikthim të fuqishëm në kthesat e fundit, por u ndal në kohën 1:42.75, rezultat që i siguroi medaljen e argjendtë.

Gara për podiumin ishte tepër e fortë, me legjendën holandeze Kjeld Nuis që rrëmbeu medaljen e bronztë me kohën 1:42.82. Në një finale me emocione, të tre medalistët arritën të thyejnë rekordin e mëparshëm olimpik, duke e kthyer këtë garë në një nga më cilësoret në historinë e disiplinës.

Podiumi - 1500 m patinazh i shpejtësisë:

Vendi 1: Ning Zhongyan (Kinë) - 1:41.98 (Rekord Olimpik)
Vendi 2: Jordan Stolz (SHBA) - 1:42.75 (+0.77)
Vendi 3: Kjeld Nuis (Holandë) - 1:42.82 (+0.84)