Organi i akuzës së qytetit bregdetar ka nisur kështu procedimin penal ndaj ndeshjes në fjalë e luajtur këtë të shtunë, pasi dyshohet se rezultati isaj të ketë qenë i trukuar.
Flamurtari-Teuta u mbyll me rezultatin 2-1 për ekipin jugor, me një gol të shënuar në sekondat e fundit të lojës për vendasit. Por të pranishmit në stadium dhe opnioni publik, kundërshtoi lojën e luajtur nga të dy ekipet, lidhur me dyshimet se rezultati i saj mund të jetë paracaktuar në tavolinë.
Kjo nuk është hera e parë që ndaj kampionatit të futbollit shqiptar hidhen dyshime lidhur me rezultate të trukuara. Komisioni i Etikës pranë Federatës Shqiptare të Futbollit do të mblidhet ditën e martë për të shqyrtuar minutat e fundit të takimeve Flamurtari-Teuta dhe Laçi-Partizani, ku u panë parregullsi në fushë nga ana e futbollsitëve të Teutës dhe Laçit.
Redaksia Online
(e.c/shqiptarja.com)