POP 5

Lajmet më të lexuara të 5 minutave të fundit

Politikë

Nis kontrolli ndaj SHISH-it 
mazhoranca te Ajazi pa opozitën

Nis punën grupi hetimor për kontrollin e veprimtarisë së Shërbimit Informativ Shtetëror. Tre deputetë të mazhorancës  i kanë paraqitur sot kreu të SHISH, Visho Ajazi programine  kontrollit që do të zgjasë një muaj. Opozita nuk ishte e pranishme pasi nuk ka pranuar të japë dy emrat e saj dhe të bëhet pjesë e këtij grupi kontrolli. 
Ngrihet grupi hetimor, Ndreu Lutaj-Qefalia, kontroll SHISH-it
Nis kontrolli ndaj SHISH-it <br />mazhoranca te Ajazi pa opozitën
TIRANE – Për një periudhë një mujore Shërbimi Informativ Shtëtëror do të  vihet në “sitën” e një grupi të deputetëve të Kuvendit të Shqipërisë të cilët do të inspektojnë këtë institucion mbi ligjshmërinë e një shkrese sekrete të dhejtorit 2013 dërguar drejtorëve të SHISH në prefektura, ku kërkohet informacion për drejtuesit e Policisë së Shtetit.
 
Tre deputetë të mazhorancës janë paraqitur sot në zyrat e Shërbimit Informativ Shtetëror dhe i kanë prezantuar kreut të SHISH, Visho Ajazit programin se si do të kryhet kontrolli.
 
Në zyrat e këtij institucioni ishin të pranishëm vetëm deputetët e Partisë Socialiste, Piro Lutaj, Xhamal Qefalia dhe Pjerin Ndreu, pasi opozita nuk ka pranuar të japë emrat e saj dhe të bëhet pjesë e këtij grupi.
 
Grupi i deputetëve të Kuvendit do të inspektojnë këtë institucion mbi verifikimin e ligjshmërisë së shkresës sekrete dërguar drejtorëve të SHISH në prefektura ku kërkohet informacion mbi persona të implikuar në veprimtari antiligjore, emëruar në pozicione drejtuese në Policinë e Shtetit.

Ngritja e një grupi hetimor për të ushtruar Kontroll në Shërbimin Informativ për veprimtarinë e tij u miratua me votat e mazhorancës në Komisionin e Sigurisë më 23 Prill të këtij viti. Opozita braktisi mbledhjen dhe nuk dha dy emrat e saj, pjesë e këtij grupi hetimor.  Opozita nuk pranoi të bëhet pjesë e këtij grupi hetimor me argumentin sipas tyre se në më parë duhet marrë "nga sirtaret" e Kuvendit projektligji për kontrollet e sigurisë Kombëtare.

Redaksia Online
(Gre.M/Shqiptarja.com)

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

FOTO/ Vrasja e Eduart Reçit! Ky është oficeri i policisë, akuzohet se qëlloi biznesmenin e ndërtimit! Arrestohet dhe i vëllai

FOTO/ Vrasja e Eduart Reçit! Ky është oficeri i policisë, akuzohet se qëlloi biznesmenin e ndërtimit! Arrestohet dhe i vëllai

24 Nëntor, 15:48