Nis në Teheran ceremonia për Nasrallah, i pranishëm dhe Ali Khamenei! Burimet: Lideri i Hezbollahut u ‘varros përkohësisht’, shkak frika nga sulmi i Izraelit

Hassan Nasrallah, i vrarë nga Izraeli dhe ceremonia përkujtimore në Teheran

Iran- Ndërsa në Teheran po mbahet procesioni në kujtim të ish-liderit të Hezbollahut, të vrarë nga bombardimet izraelite më 27 Shtator, Hassan Nasrallah, burimet nga terreni i thanë mediave se ai u varros "përkohësisht" në një vend të pazbuluar.

Ky hap u ndërmorr nga frika se funerali i tij mund të ishte në shënjestër të Izraelit tha një burim i afërt me ushtrinë, për AFP sot (4 Tetor).

“Sayyed Hassan Nasrallah u varros në një vend të përkohshëm, duke pritur që rrethanat të lejojnë një funeral popullor”, tha burimi, i cili kërkoi anonimitetin.

Në krahun tjetër, përkujtimorja po vazhdon në Iran, teksa edhe udhëheqësi suprem i Iranit, Ayatollah Ali Khamenei, mbërriti në xhaminë Imam Khomeini Grand Mosalla, në qendër të Teheranit, për ceremoninë përkujtimore të liderit të Hezbollahut, Hassan Nasrallah.

Kjo ceremoni do të pasohet nga një predikim nga vetë Lideri Suprem. Lajmi është bërë i ditur nga agjencia gjysmë zyrtare iraniane “Mehr”.

Lajmi kryesor:

Teherani nis ceremoninë për Nasrallah, i pranishëm edhe Khamenei! Burimet: U varros përkohësisht nga frika! Dhjetëra bastisje izraelite në Bejrut, Italia riatdheson 178 shtetas!

A.Q/Shqiptarja.com

TAG:
• lufta ne rripin e gazes
• Izrael
• Liban