Fondi Shqiptar i Zhvillimit ka nisur procedurën për restaurimin e ndërtesës historike të ish-senatoriumit dhe ndërtimin e një kompleksi të ri të dijes. ‘Kompleksi i Dijes’, do të jetë së shpejti strukturë e re inovative pranë Universitetit Fan.S.Noli.

Përmes një postimi në “facebook”, kryeministri Edi Rama ndau sot pamje nga “Kompleksi i Dijes” në  Korçë .

Kreu i qeverisë  u shpreh se kjo është një tjetër vepër arsimore që nis së shpejti.

Rama theksoi se pranë Universitetit Fan.S.Noli do të ndërtohet një strukturë e re inovative e quajtur “Kompleksi i Dijes,” në kuadrin e mbështetjes së reformimit dhe ndërkombëtarizimit të universiteteve.

Kjo njësi e re do të jetë një hapësirë e shtuar për universitetin, për të zhvilluar programet e reja inovative.

Universiteti ‘Fan S. Noli’, në bashkëpunim me FSHZH dhe bashkinë Korçë, tani duhet të punojë paralelisht për të bërë gati programet e reja në partneritet me universitetet e mirënjohura, që do të mbushin me studentë të shkëlqyer hapësirat moderne të këtij kompleksi të dijes.

Me këtë kompleks, Universiteti ‘Fan S. Noli’ siguron një infrastrukturë moderne dhe të mjaftueshme për të akomoduar jo vetëm studentët korçarë, por edhe të tjerë nga Shqipëria dhe vendet e rajonit.

M.T/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sh bukur: 06/11/2023 07:20

    Po ndërtoni edhe në Tiranë!

    Përgjigju
  • Sondazhi i ditës: 27 Mars, 08:12

    Rritja e çmimit të ushqimeve, a duhet të marrë masa qeveria për të mbrojtur konsumatorët?

Lajme të tjera