POP 5

Lajmet më të lexuara të 5 minutave të fundit

Sociale

Nis viti shkollor, mbi 350 mijë nxënës në të gjithë vendin! 28 mijë të vegjël ulen për herë të parë në bankat e shkollës! Report tv në shkolla ‘Vasil Shanto’ dhe ‘Bashkim Fino’

350 mijë nxënës në të gjithë vendin nisën vitin e ri shkollorë 2024-2025 në të gjithë vendin. 28 mijë u ulën për herë të parë në bankat e shkollës, ndërsa 27 mijë u regjistruan në klasën e 10-të të gjimnazit. Në Tiranë Report Tv ishte në 2 shkolla të kryeqytetit, ku mori emocionet e nxënësve, prindërve dhe mësuesve

Pushimet mbaruan dhe rrugët e qyteteve, ashtu si klasat e mbi 1700 shkollave në çdo cep të vendit u mbushën me entuziazmin dhe gjallërinë e mbi 350 mijë nxënësve .

Me lule në duar, një pjesë edhe në lot prej emocioneve, 350 mijë nxënës iu drejtuan këtë të hënë bankave të shkollave në nisje të vitit të ri shkollor 2024-2025. 28 mijë janë të vegjlit që u ulën për herë të parë në banka, ndërsa 27 mijë u regjistruan në klasat e 10-ta në gjimnaz.

Raela dhe Orkid Musaj, motër e vëlla në shkollën 9-vjeçare “Vasil Shanto” në kryeqytet, ndryshe nga shumë bashkëmoshatarë, në ditën e parë të shkollës ata u shoqëruan nga gjyshja e tyre Olimbije, me të cilën jetojnë, pasi prindërit i kanë në emigrim.

“Prindërit i kanë në Angli, prej dy vitesh rrinë tek unë”.- u shpreh gjyshja.

Prej dy vitesh, 60 vjeçarja ua ka dedikuar jetën nipit e mbesës, ndërsa nuk e fsheh entuziasmin e të vegjëlve në ditën e parë të shkollës dhe rëndësinë e arsimimit.

“Është më e vështirë se të rrisja fëmijët e mi, prej dy vitesh nuk jam as në punë”.- tha ajo.

Ashtu si për Raelën dhe Orkidin mëngjesi i 9 shtatorit nisi vrullshëm për fëmijët e prindërit në kryeqytet, të cilët vrapuan për në shkollë që në mëngjes, teksa si çdo vit edhe ky vit nisi me himnin kombëtar.

Speciale dhe për t’u mbajtur mend gjithë jetën kjo ditë është për ata që ulen për herë të parë në banka, teksa nuk i fshehin emocionet.

Report TV ishte në disa shkolla të kryeqytetit për të parë nga afër nisjen e procesit mësimor. Drejtoresha e shkollës 9 vjeçare “Bashkim Fino” në Qytet Studenti, Ines Myftari tregon risit e këtij viti shkollor...

Dita e shumëpritur për të vegjlit, solli edhe trafik të rënduar, ndërsa policia e Shtetit dhe Bashkia e Tiranës kishin ndërmarrë masa edhe më herët.

M.Q./I.M/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kreshnik Spahiu: Pse Strasburgu po e zhgënjen shumë keq Partinë Demokratike?

Kreshnik Spahiu: Pse Strasburgu po e zhgënjen shumë keq Partinë Demokratike?

23 Nëntor, 23:55 nga Kreshnik Spahiu