POP 5

Lajmet më të lexuara të 5 minutave të fundit

Politikë

Nishani dekoron "Mjeshtër i Madh",
Luan Malltezin, krushkun e Berishës

Presidenti i Republikës, Bujar Nishani i akordoi sot profesor Luan Malltezit titullin “Mjeshtër i Madh” me motivacionin: “Në vlerësim të punës së tij të palodhur dhjetëra vjeçare në fushën e studimeve historike përmes botimeve të shumta shkencore, si dhe për kontributin e shquar të dhënë si historian dhe drejtues i institucioneve shtetërore që mbulojnë fushën e historisë dhe trashëgimisë kulturore për nxjerrjen në pah dhe bërjen të njohur të fakteve dhe figurave të shquara historike në kohë të ndryshme për kombin tonë”.
Nishani dekoron Luan Malltezin, krushkun e Berishës">
Presidenti i Republikës, Bujar Nishani i akordoi sot Luan Malltezit, krushkut të ish kryeministrit Sali Berisha, titullin “Mjeshtër i Madh” me motivacionin: “Në vlerësim të punës së tij të palodhur dhjetëra vjeçare në fushën e studimeve historike përmes botimeve të shumta shkencore, si dhe për kontributin e shquar të dhënë si historian".

Në dhjetor të 2015-ës, Presidenti dekoroi edhe Berishën me dekoratën e "Flamurit Kombëtar", me rastin e 25 vjetorit të rënies së komunizmit.
 
Në ceremoninë e kësaj të premteje në Presidencë, kreu i Shtetit theksoi se nderon punën e palodhur të një profesori, një historiani e të një shkrimtari skrupuloz, i cili  ka kontribuar dhe vazhdon të kontribuojë me mendjen dhe penën e tij për ta mbrojtur dhe mbajtur gjallë historinë e hershme, mesjetare e moderne të shqiptarëve.
 
nishani
nishani malltezi

“Nuk mund të lë pa përmendur punën e madhe të tij në periudhën kur ka qenë arkeolog në Muzeun Arkeologjik të Durrësit. Një rëndësi të veçantë Profesor Maltezi, u ka kushtuar studimeve ballkanike dhe, në veçanti, ato mbi Kosovën. Këtu mund të përmendim,  artikullin ‘Beteja e Fushë-Kosovës (1389) dhe kontributi i shqiptarëve’ dhe një sërë shkrimesh të tjera që e pasojnë këtë. Pasioni i tij për historinë fillon me hulumtime dhe konkretizohet me botime të plota dhe akademike, që mbetën një pasuri e çmuar për historinë shqiptare dhe për brezat që do vijnë, sepse Profesor Malltezi është njeri që lë gjurmë të thella në çdo punë dhe krijim të tij”.
 
nishani

“Artikujt dhe studimet e tij të shumta i japin një dimension të ri emrit dhe lavdisë së Skënderbeut, në të njëjtën kohë edhe historisë së Shqipërisë në atë periudhë, që Profesor Malltezi i ka renditur me mjeshtërinë e një historiani dhe akademiku të pashoq. Si drejtor i Muzeut Kombëtar, ai diti të kontribuojë dhe arkivojë pjesë të historisë së popullit shqiptar, duke synuar dhe depolitizimin e këtij institucioni të rëndësishëm kombëtar. Muzeu Kombëtar pati një hov të ri cilësor, duke u bërë më i afrueshëm dhe tërheqës. Profesor Malltezi pati shansin e mirë të jetë pjesë e organizimit shtetëror me rastin e 100-Vjetorit të Pavarësisë. Në një bashkëpunim të veçantë me Muzeun Historik të Vjenës u mundësua, për herë të parë në historinë e Shqipërisë, sjellja e shpatës dhe përkrenares së heroit tonë kombëtar, Skënderbeu”.
 
nishani1

“Pikërisht me rastin e 100-Vjetorit të Pavarësisë së Vendit, nën drejtimin e Prof. Malltezit, Muzeu Kombëtar u bë qendra e bashkimit të shqiptarëve nga të gjitha trojet shqiptare e diaspora”, – vuri në dukje Presidenti Nishani.

Në këtë ceremoni binte në sy mungesa e Sali Berishës, ndërkohë që ishte e pranishme vajza e tij Argita Malltezi, si dhe bashkëshorti i saj Jamarbëri, i biri i Luan Malltezit.

Redaksia Online
Shqiptarja.com

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Putin: Ne duam t'i japim fund luftës, jo thjesht ta ngrijmë atë! Negociatat? Në Sllovaki

Putin: Ne duam t'i japim fund luftës, jo thjesht ta ngrijmë atë! Negociatat? Në Sllovaki

26 Dhjetor, 19:20