Nishani kandidati i Berishës
për zëvendësimin e Bashës? 

A po projektohet kreu i shtetit Bujar Nishani si alternativë B “nën mëngën” e Sali Berishës, për të zëvendësuar Lulzim Bashën, në krye të Partisë Demokratike, para ose pas humbjes së mundshme në zgjedhjet parlamentare të 2017? Çfarë fshihet pas rebelimit, gjatë javëve të fundit, të Bujar Nishanit, i cili ka hapur disa fronte lufte politike me mazhorancën qeverisëse? A po përgatitet Nishani si pasardhës real i Sali Berishës në krye të PD apo presidenti në largim do të pranojë t’i gjejnë një punë, ndoshta duke drejtuar një prej departamenteve të PD? Çfarë kumtojnë shenjat e dukshme dhe të padukshme, të javëve të fundit, për fatin e Bujar Nishanit, pas mbarimit të mandatit presidencial? Sa do të zgjasë eksperimenti “Basha” në krye të opozitës?