POP 5

Lajmet më të lexuara të 5 minutave të fundit

Arkiva

Nishani me delegacionin hebre: Promovim të tolerancës dhe harmoninë fetare

Tiranë, 18 Shtator/ATSH/- Kreu i Shtetit, Bujar Nishani priti sot një delegacion hebre të rangut të lartë, të kryesuar nga Ambasadori Ronal S. Lauder, President i Kongresit Botëror Hebre dhe Julius Meinl V, President i Kongresit Euro-Aziatik Hebre, të cilët do të marrin pjesë në Forumin e Biznesit që po zhvillohet në Tiranë. Marrëdhëniet e […]
Tiranë, 18 Shtator/ATSH/- Kreu i Shtetit, Bujar Nishani priti sot një delegacion hebre të rangut të lartë, të kryesuar nga Ambasadori Ronal S. Lauder, President i Kongresit Botëror Hebre dhe Julius Meinl V, President i Kongresit Euro-Aziatik Hebre, të cilët do të marrin pjesë në Forumin e Biznesit që po zhvillohet në Tiranë.
Marrëdhëniet e Shqipërisë me Izraelin janë të shkëlqyera, u shpreh ndër të tjera Presidenti Nishani, dhe kjo është falë dhe sakrificave të popullit shqiptar që rrezikoi jetën duke mikpritur, mbrojtur dhe strehuar qytetarë të ndryshëm hebrenj, të cilët gjetën shpëtim në Shqipëri gjatë Luftës së II Botërore, prandaj institucionet shtetërore të të dyja vendeve duhet të vijojnë punën për të rritur akoma më tej këto marrëdhënie.
Një vend të rëndësishëm në bashkëbisedim zuri dhe bashkëpunimi në fushën e kulturës, për ndërmarrjen e disa nismave konkrete kushtuar viktimave të popullit hebre përgjatë Luftës së II Botërore si dhe atyre që promovojnë tolerancën dhe harmoninë fetare në Shqipëri.Gjithashtu, Presidenti Nishani priti sot  Ministrin e Infrastrukturës Kombëtare Energjetike dhe Burimeve Ujore të Izraelit,  Silvan Shalom.
Në takim, Nishani vlerësoi se marrëdhëniet politike dhe ekonomike ndërmjet dy vendeve tona po përparojnë me shpejtësi. Ai shtoi se duhet të shfrytëzojmë praktikisht mundësitë që ofron Shqipëria, një vend me burime të shumta natyrore dhe me një pozicion gjeografik të favorshëm, si portë hyrëse e tregut rajonal dhe më gjerë. Kreu i Shtetit nënvizoi, gjithashtu, se ne e shohim biznesin izraelit, jo vetëm si  mundësi për investime që sjellin zhvillim ekonomik dhe punësim, por, njëherazi edhe si burim përvoje për biznesin shqiptar.
Ministri Shalom vlerësoi lart zhvillimet pozitive në Shqipëri dhe veçoi: burimet ujore, energjinë dhe burimet e naftës dhe gazit si sektorë që kanë tërhequr vëmendjen e investitorëve izraelitë, të cilët shohin në zbatimin e projekteve konkrete në këto fusha mundësi të mëdha zhvillimi./a.gegvataj/

  • Sondazhi i ditës:

    A e zgjidh problemin me shqiptarët në Britani vizita e Ramës në Londër?

Lajme të tjera



×

Lajmi i fundit

Marrëveshja SHBA-Kanada, synon t'i japë fund kalimeve të emigrantëve mes të dy vendeve

24 Mars, 22:58