Nisin punimet për ndërtimin e Teatrit të ri Kombëtar, opozita pengon punimet! Kalaja kërcënon punëtorin: Zbrit poshtë se do të të tërheq zvarrë (VIDEO)

TIRANË- Kanë nisur punimet për ndërtimin e ri të Teatrit Kombëtar. Mbrëmjen e sotme disa fadroma kanë mbërritur në zonën e teatrit për të nisur punimet, ashtu siç ishte paralajmëruar nga ministria e Kulturës se do të nisnin para përfundimit të këtij viti.

Kandidati i opozitës për Bashkinë e Tiranës Belind Këlliçi sëbashku me Adriana Kalaja kanë tentuar që të pengojnë nisjen e punimeve për ndërtimin e Teatrit të Ri Kombëtar. Këlliçi dhe Kalaja duket si i janë kthyer sërish çështjes së teatrit. Ata kanë qenë të pranishëm atje teksa kanë nisur punimet, ndërsa Kalaja dëgjohet t’i thotë shoferit të eskavatorit të zbresë poshtë dhe se nuk do ta lejojë që të futet të punojë për teatrin e ri.

“Do të të tërheq zvarrë, do të të nxjerr jashtë njëherë se jam avokatja e Aleancës. Ej zbrit mo poshtë, zbrit mo poshtë ti se do të të nxjerr zvarrë. Zbrit poshtë se nuk ka shanse fare jo, ti po as njeri në botë të futet dhe të punojë. Dakord?!”, dëgjohet të thotë ish-kandidatja e Berishës për Tiranës, Adriana Kalaja.

LEXO EDHE:
Ekspozita me trofetë e M.Cityt, fëmijë e të rritur në kryeministri! Tifozët: S’e prisnim kurrë t'i shikonim në Shqipëri

Puna për teatrin e ri ka nisur pasi u shpall kompania fituese Agi Cons dhe Re-Is. Tenderi do të kushtojë 1 miliard e  840 milionë lekë. Projekti i teatrit është bërë nga arkitekti danez Bjarke Ingels! Më herët, kryebashkiaku Veliaj ka bërë me dije se Teatri i ri do të jetë disa herë më i madh se i vjetri dhe do të ofrojë kushte sipas të gjithë standardeve. Ai do të ketë të dedikuar disa ambiente të posaçme për shfaqjet dhe aktorët. Gjithashtu, do të ketë një skenë teatri prej 630 metra katror dhe dy salla 'Black Box' prej 200 metra katror secila.

Për artistët do të ketë një hapësirë prej 200 metra katror që do përdoret si sallë ndërrimi, një sallë provash prej 200 metrash katror, tualete dhe dushe si dhe një dhomë të gjelbër. Në shërbim të shfaqjeve të ndryshme artistike do ketë një dhomë instrumentesh muzikore, një depo materialesh skenike, një depo dekori, sallë teknikësh, etj. Gjithashtu, do të ketë sallë kursesh dhe të gjitha facilitetet për publikun. Po kështu, Teatri i ri Kombetar, përveç ambienteve të tjera ndihmëse, do të ketë edhe një parkim nëntokësor. 

SI.E./Shqiptarja.com

TAG:
• adriana kalaja
• teatri kombetar
• Tirane
• bashkia tirane
• belind këlliçi